Neil Arce kay Barbie Imperial matapos mapanood ang panayam kay Richard Gutierrez: "Chardgel pa rin"

- Binahagi ni Neil Arce ang nakakaaliw na convo nila ni Barbie Imperial matapos nilang mapanood ang panayam ni Ogie Diaz kay Richard Gutierrez

- Sa naturang panayam ay sinagot ni Richard sa unang pagkakataon ang tungkol sa kanila ni Barbie at tungkol sa paghihiwalay nila ni Sarah Lahbati

- Makikita sa convo ang picture kung saan makikita sina Neil na nanonood sa naturang panayam

- Biro ni Neil kay Barbie, "Chardgel pa rin" na tumutukoy sa tambalan ng misis niyang si Angel Locsin at Richard Gutierrez noon

Ibinahagi ni Neil Arce sa social media ang kanilang nakakatawang pag-uusap ni Barbie Imperial matapos mapanood ang panayam ni Ogie Diaz kay Richard Gutierrez. Sa naturang panayam, sinagot ni Richard ang mga tanong tungkol sa kanilang tambalan ni Barbie at ang isyu sa paghihiwalay nila ni Sarah Lahbati.

Sa screenshot ng kanilang convo, makikita si Neil na nanonood ng panayam kasama si Barbie. Nagbiro pa si Neil sa aktres at sinabing, “Chardgel pa rin,” na tumutukoy sa tambalan ng misis niyang si Angel Locsin at Richard Gutierrez sa mga sikat na teleserye noong 2000s.

Read also

Richard Gutierrez, nagsalita na ukol sa kanila ni Barbie Imperial

Sumang-ayon naman si Barbie at nagkomento na bagay na bagay talaga sina Angel at Richard. Dagdag pa niya, kitang-kita ang “grabe nilang chemistry” na nagbigay-buhay sa kanilang mga iconic roles noon.

Naging usap-usapan online ang post ni Neil, na tila nagpabalik-tanaw sa mga fans sa tambalang Chardgel, habang ipinapakita rin ang kanilang masayang bonding bilang magkakaibigan.

Nakilala si Barbie Imperial matapos niyang sumali sa Pinoy Big Brother: 737 kung saan nakilala siya bilang "The Doll along the Riles of Albay." Pinsan siya nina Michelle at Marco Gumabao.

Samantala, ayon kay Barbie, bati na sila ng kontrobersiyal na social media personality na si Xian Gaza. Ito ay dahil sa umano'y panonood ni Xian sa kanyang kauna-unahang vlog episode na kanyang binahagi sa kanyang YouTube channel. Kabilang si Xian sa mga lalaking tinanong kay Barbie kung "jojowain o totropahin" niya at sinabi niyang totropahin lang si Xian dahil lagi niya itong inaaway. Matatandaang nag-viral ang reaction video ni Xian sa naturang vlog ni Barbie kung saan hindi nito maitago ang kanyang kilig.

Read also

Slovenian na umano'y pumaslang sa asawang Pinay, nagtext pa raw sa ama ng biktima para makiramay

Kinaaliwan ang pagsorpresa ni Barbie ang ilang food delivery riders sa pamamagitan ng pagkaing siya mismo ang nag-order. Sa kanyang bagong vlog, pinakita niya ang mga naging reaksiyon ng drivers nang malaman nilang para pala sa kanila ang mga pagkaing dapat ay i-dedeliver nila. Ayon kay Barbie, dahil marami siyang natatanggap na biyaya ay naisipan nila ng kanyang team na magbahagi din ng biyaya. Isa sa mga riders na kanyang nabigyan ay bahagyang naging emosyonal dahil hindi pa daw siya nakaranas na mabigyan kagaya sa ginawa ni Barbie.

Source: KAMI.com.gh