Rr Enriquez, nagbahagi ng kanyang opinyon kaugnay sa pinagdadaanan ni Neri Miranda

- Nagbigay ng opinyon si Rr Enriquez tungkol sa kontrobersyang kinakaharap ni Neri Miranda bilang endorser ng isang kumpanya

- Sinabi ni Rr na maaaring biktima lamang si Neri at kinuwestiyon kung sapat na dahilan ang paghimok nito ng investors para makasuhan

- Binigyang-diin niya ang panganib na hinaharap ng mga influencers at endorsers kapag nalugi ang kanilang iniendorso

- Nanawagan siya na maging maingat ang mga investors at influencers at ipinagdasal ang hustisya para kay Neri Miranda

Naglabas ng kanyang saloobin ang dating TV host at influencer na si Rr Enriquez tungkol sa pinagdaraanan ng celebrity mom at entrepreneur na si Neri Miranda kaugnay ng kontrobersya sa pagiging endorser nito ng isang kumpanya. Sa isang social media post, ipinahayag ni Rr ang kanyang paghanga kay Neri ngunit binigyang-diin din ang mga panganib na maaaring kaharapin ng mga endorser.

“Hindi ko siya personal na kilala, pero hanga ako sa lakas ng loob niya sa pagnenegosyo,” ani Rr. Inamin niya rin na ginagamit niya minsan ang hashtag ni Neri na “wais na misis” kahit hindi siya kasal.

Read also

Jennifer Hudson, napabato ng sapatos dahil sa performance ni Sofronio Vasquez

Nagbigay si Rr ng kanyang pananaw tungkol sa isyu. Ayon sa kanya, tila biktima lamang si Neri sa sitwasyong ito, lalo na’t responsibilidad ng mga endorser na magbigay ng positibong feedback sa kanilang iniendorso. “Parang napaka-imposible naman na hindi ka magsabi ng positive tungkol sa iniendorso mo,” paliwanag ni Rr.

Idiniin niya rin na mahalagang maunawaan kung ano ang naging papel ni Neri sa naturang kumpanya. “Hindi ako lawyer, pero ang tanong dito: during that time na nag-invest ang mga tao, kasali ba siya sa pumirma ng kontrata? Kung hindi naman, bakit parang napaka-walang puso ninyo na basta-basta nangkukulong ng tao?” ani Rr, habang nanawagan sa mga abogado na magbigay-linaw sa mga ganitong usapin.

Nagpaalala rin si Rr sa mga investors at influencers na mag-ingat sa pagpasok sa mga negosyo o endorsements. “Talamak talaga ang mga manloloko, kaya maging wais din tayo sa pagpili ng investment,” babala niya.

Sa huli, ipinagdasal niya si Neri at sinabing kung malinis ang konsensya nito, makakamit nito ang hustisya. “Justice will be served for you… soon,” pagtatapos ni Rr.

Read also

Niño Muhlach, nilinaw ang biro niya sa pagpapaareglo sa kaso ni Sandro

Si RR Enriquez ay unang nakilala sa mundo ng showbiz bilang dating Kapamilya artist. Naging bahagi siya ng iba't-ibang mga palabas sa Kapamilya Network kagaya ng noontime show na Wowowee at comedy show na Banana Split na kinalaunan ay naging Banana Sundae hanggang lumipat siya sa ibang estasyon noong 2014.Tumigil na rin siya sa pag-aartista upang mabigyan ng panahon ang kanyang negosyo.

Bilang isang dating Kapamilya artist, nagbahagi siya ng kanyang pakikisimpatya sa pagkakabasura ng franchise renewal ng ABS-CBN. Kasalukuyan niyang karelasyon ang sikat na basketbolistang si Jayjay Helterbrand ng koponang Barangay Ginebra. Bukod sa mga negosyo ay nakapundar na rin sila ng kanilang bahay.

Kabilang si RR Enriquez sa mga personalidad na naghayag ng kanilang saloobin kaugnay sa nag-viral na resort na tinayo sa Chocolate Hills sa Bohol. Para sa kanya, wala naman daw masama sa ginawa nila lalo kung makakatulong daw ito sa turismo ng bansa.

Source: KAMI.com.gh