John Lloyd Cruz, may nakakaantig na mensahe kay Elias: "Araw-araw, pinaglalaban ko"

• Muling pinahanga ni John Lloyd Cruz ang publiko dahil sa kanyang online post
• Kamakailan lang ay nag-post kasi si John Lloyd ng mensahe para kay Elias Modesto
• Kalakip nito ay isang nakakaantig na pasasalamat kay Elias ngayong Father's Day
• Dahil dito ay marami ang bumati kay Lloydie at pumuri sa pagiging sweet niya na daddy

John Lloyd Cruz, isa sa pinakapinagpipitagan at hinahangaang aktor sa bansa, ay muling pinahanga ang publiko — hindi sa kanyang pag-arte, kundi sa kanyang pagiging ama kay Elias.

Sa pagdiriwang ng Father's Day ngayong taon, pinukaw ni John Lloyd ang damdamin ng marami matapos siyang mag-post ng taos-pusong mensahe para sa kanyang anak na si Elias Modesto.

Sa kanyang mensahe, buong pusong pinasalamatan ng aktor ang anak sa pagbibigay sa kanya ng pagkakataong maging isang ama, "Happy Father's Day sa atin, anak. Salamat dumating ka at pinatunayang pwede maging buo, bagama’t hindi magkasama. Araw-araw, pinaglalaban ko. Araw-araw, kaya ko mamatay para sayo. Salamat, anak. Wala na kong mahihiling pa bilang ama."

Puno talaga ng pagmamahal at paninindigan ang mga salitang binitiwan ni John Lloyd, na talaga namang umantig sa puso ng kanyang mga tagahanga sa nasabing social media photo app.

Sa pagtatapos ng kanyang post sa Instagram, hindi rin nakalimutan ng sikat na aktor na magbigay pugay din sa iba pang mga ama na katulad niya. Ani niya, ang dedikasyon ng mga tatay para sa kanilang pamilya ay nagsisilbing inspirasyon din sa kanya, "Happy Father's Day sa lahat ng mga amang hindi sumusuko sa pamilya. Inspirasyon kayo sa aming mag-ama."

Samantalang sa comment section naman ay marami ang bumati kay Lloydie ngayong araw.

"Happy Father's Day, Idan! More blessings for you and Elias!" ani pa nga ng isang netizen.

Si John Lloyd Cruz ay isang kilalang aktor sa Pilipinas na hinahangaan dahil sa husay niya sa pag-arte at sa kanyang natural na karisma sa harap ng kamera. Nagsimula siya sa industriya bilang isang teen star sa mga youth-oriented shows gaya ng Tabing Ilog. Bukod sa telebisyon, sumikat din si John Lloyd sa pelikula at naging bahagi ng ilang iconic films sa bansa tulad ng One More Chance, A Very Special Love, at The Mistress. Nakilala rin siya sa tambalan nila ni Bea Alonzo na tinaguriang isa sa pinakasikat at pinaka-epektibong love teams sa industriya.

Sa nakaraang report ng KAMI ay nag-viral si John Lloyd Cruz dahil sa kanyang bagong post. Sa Instagram, ibinahagi ng aktor ang isang magandang larawan niya kasama sina Elias Modesto at Isabel Santos. Makikitang magkakasama silang tatlo sa isang payapa at malapitang sandali. Kalakip ng larawan, nagsulat din si Lloydie ng isang makahulugang caption sa Instagram.

Samantalang, noong 2024 ay nagbahagi si John Lloyd Cruz ng ilang mga larawan sa kanyang personal na Instagram account. Batay sa nasabing post, dumalo siya kamakailan sa isang kasal. Ibinahagi rin niya ang isang larawan kung saan kasama niya si Coco Martin. Isa pa sa kapansin-pansin sa post ay ang caption na isinulat niya tungkol sa kanilang dalawa bilang mga aktor.

Source: KAMI.com.gh