Darryl Yap kay Sarsi Emmanuel: "Wag mo ko palalabasing sinungaling"

• Naglabas ng matapang na pahayag si Darryl Yap laban kay Sarsi Emmanuel tungkol sa kredibilidad ng pelikula niya tungkol kay Pepsi Paloma
• Binatikos ng direktor ang komento ng aktres na tila nagdududa sa pinagmulan ng kwento ng pelikula
• Sinabi ni Yap na hindi niya papayagang palabasin siyang sinungaling sa inilabas niyang kwento
• Hinimok niya ang publiko na hintayin ang pelikula upang malaman ang buong istorya

Nagpakawala ng matapang na pahayag ang kontrobersyal na direktor na si Darryl Yap laban kay Sarsi Emmanuel matapos itong magkomento ukol sa pelikula ni Yap tungkol sa yumaong aktres na si Pepsi Paloma.

Sa kanyang social media post, sinabi ni Yap:

"Napakaconvenient kasi dito kay Sarsi Emmanuelle na patay na ang pinag-uusapan. Kegimik yun o totoo? May nagawa ka ba? Bakit? Close ba kayo ni Pepsi? Nung namatay siya saka kayo sumikat! WAG MO KO PALALABASING SINUNGALING. Hintayin mo ang pelikula."

Ang pahayag na ito ay kasunod ng diumano'y komento ni Sarsi Emmanuel, na ibinahagi rin ni Yap, kung saan tinanong nito:

Read also

19 anyos, patay matapos pagtatagain ng stepfather dahil umano sa selos

"At sino ang nag-relay ng story sa director? Dba patay na yung tao? Siya lang ang may alam ng totoo. Saan nila kinuha yung story?"

Ipinunto ni Yap na tila pinagdududahan ng dating aktres ang kredibilidad ng kwento na nasa likod ng kanyang pelikula. Dagdag pa ng direktor, hindi niya papayagang maliitin ang kanyang pelikula o palabasing hindi totoo ang kanyang mga inilalabas na kwento.

Samantala, wala pang direktang sagot si Sarsi Emmanuel ukol sa matapang na pahayag ni Yap, ngunit ang kanilang palitan ng komento ay mabilis na nag-viral at umani ng samu’t saring opinyon mula sa netizens.

Tila magiging mainit ang pagtanggap ng publiko sa inaabangang pelikula ni Darryl Yap, lalo na’t umusbong muli ang usapin ukol sa trahedya at kontrobersyang bumalot sa buhay ni Pepsi Paloma.

Si Darryl Yap ay isang Filipino filmmaker, director, at screenwriter na kilala sa paggawa ng mga kontrobersyal na pelikula at online content. Siya ang nasa likod ng VinCentiments, isang social media platform na nagpo-produce ng short films at viral videos na kadalasang tumatalakay sa mga usapin ng buhay, lipunan, at politika.

Read also

Netizens, binalikan ang 2024 interview ni Julius Babao sa kaibigan ni Pepsi Paloma

Matatandaang nakisali ang kontrobersiyal na direktor sa mainit na sagutan ng social media personalities na sina Chloe San Jose at Sophia Delas Alas, anak ni Ai-Ai Delas Alas. Sa isang post na agad nag-viral, tila pabirong sinabi ni Yap na gusto rin niyang isali sa gulo. Aniya, “Sali niyo naman ako sa away niyo. Matapang din naman ako eh.”

Sa gitna ng patuloy na usap-usapan tungkol sa umano'y sagutan nina Chloe San Jose at Sophia Delas Alas, anak ni Ai-ai Delas Alas, nagbigay opinyon si Yap na tila pabirong sumasali sa isyu. Matatandaang nag-post si Yap ng komento, sinasabing matapang din naman siya kaya’t gusto niyang isali sa gulo.

Source: KAMI.com.gh