Melai Cantiveros sa pag-attend sa AAA: "It's an honor, I feel like I am the first honor"

- Kinaaliwan si Melai Cantiveros sa kanyang pagdalo sa AAA o Asia Artist Awards 2023

- Dito ay natanong siya ng host kung ano ang kanyang pakiramdam sa pagdalo niya sa AAA

- Aniya, honored siya na nakadalo siya sa naturang prestihiyosong awards ceremony

- Umani ng mga komento ang naging pahayag ni Melai sa naturang interview

Kinaaliwan si Melai Cantiveros sa kanyang naging pahayag nang tanungin siya kung ano ang kanyang pakiramdam na nakadalo siya sa Asia Artist Awards 2023 o AAA. Aniya, honored siya na nakadalo sa AAA.

Attending to AAA is a very honor. I feel like I am the first honor, a valedictorian in attending in AAA. The best, prestigious award, I can not believe this happening.

Naitanong din sa kanya kung sino ang artist na gusto niyang ma-meet. Kabilang sa kanyang nabanggit ay si Kim Seon Ho at ang girl group na New Jeans dahil idol daw ito ng kanyang anak.

Read also

Melai Cantiveros: “If someone questions why I have award, don’t worry I question too"

Umani ng samu't-saring mga komento ang naging pahayag ni Melai sa naturang interview.

Unang nakilala sa mundo ng showbiz si Melai Cantiveros nang hirangin siyang big winner ng Pinoy Big Brother: Double Up noong 2009. Dito niya rin nakilala ang kanyang mister sa tunay na buhay na si Jayson Francisco. Sila ay nabiyayaan ng dalawang anak.

Isang mensahe ang binahagi kamakailan ni Melai kaugnay sa pagpanaw ng kanyang tiyuhin. Ang kanyang Uncle Joy umano ang pinakapaborito niyang uncle at habambuhay niyang alalahanin ang kabutihan ng kanyang tiyuhin sa kanya. Aniya, masakit para sa kanya ang pagpanaw ng tiyuhin. Alam niyang hindi magiging madali sa kanya lalo at lagi umano siyang pumupunta sa bahay ng tiyuhin niya tuwing uuwi siya sa kanilang probinsiya.

Samantala, ang mensahe ni Melai para sa kaarawan ng mister na si Jason Francisco ay kanyang binahagi sa kanyang social media account. Marami sa mga followers ng mag-asawa ang natuwa sa mensahe niya kung saan pabiro niyang inilarawan ang mister bilang kanyang "Best Enemy." Agad naman niya itong binawi at sinabing isang mabuting ama si Jason sa kanilang mga anak. Aniya, palagi lang silang mag-iinang nasa tabi ni Jason anuman ang mangyari.

Source: KAMI.com.gh