Javi Benitez, may pahayag tungkol sa Siargao: "Parang may ibang tubig at hangin doon?"

• Nagbigay ng komento si Javi Benitez tungkol sa Siargao at sinabing ito ay nakakarelaks sa katawan ngunit nakaka-stress sa puso
• Nakita si Sue Ramirez at Dominic Roque na magkasama sa Siargao at kalaunan ay inamin nilang sila ay nagde-date
• Ilang buwan nang hiwalay sina Javi at Sue bago pa man lumabas ang balita tungkol kina Sue at Dominic
• Marami ang nag-uugnay sa pahayag ni Javi sa kasalukuyang isyu ngunit wala pang opisyal na tugon mula kina Sue at Dominic

Sa gitna ng sunod-sunod na balita tungkol sa mga celebrity na nagkakainlaban at naghihiwalay sa Siargao, nagbigay ng kanyang opinyon ang dating aktor at mayor ng Victorias City na si Javi Benitez.

Sa isang maikling pahayag, sinabi ni Javi: "Siargao? Parang may ibang tubig at hangin doon? Nakaka-relax sa katawan, pero nakaka-stress sa heart!"

Agad namang nagdulot ng espekulasyon ang kanyang komento, lalo na't kamakailan lamang ay namataan ang ex-girlfriend niyang si Sue Ramirez kasama ang aktor na si Dominic Roque sa naturang isla. Ilang beses nang nakita ang dalawa na magkasama sa Siargao, hanggang sa tuluyang umamin sila na nagde-date.

Read also

Dindo Balares, nagbahagi ng update tungkol sa lagay ng kalusugan ni Kris Aquino

Matatandaang noong lumabas ang balitang ito, nagbigay rin noon ng pahayag si Javi tungkol sa kanilang breakup ni Sue. Inamin niyang matagal na silang hiwalay bago pa man lumutang ang mga larawan nina Sue at Dominic.

Bagamat walang direktang pagbanggit sa dating kasintahan, marami ang nag-uugnay sa kanyang pahayag sa kasalukuyang isyu. May ilan namang nagsabing maaaring nagbibiro lang si Javi tungkol sa misteryosong "magic" ng Siargao pagdating sa love life ng mga dumadalaw rito.

Sa ngayon, wala pang opisyal na tugon si Sue o Dominic kaugnay ng komento ni Javi. Ngunit patuloy na nagiging usap-usapan ang love life ng mga personalidad na tila nababago ng mala-paraisong isla ng Siargao.

Si Sue Ramirez ay isang Filipina actress, singer, at model na kilala sa kanyang mga palabas sa telebisyon at pelikula. Siya ay naging bahagi ng ilang sikat na teleserye tulad ng Mula sa Puso, Pangako Sa'yo, at The Broken Marriage Vow.

Read also

OPM Singer na si Dionela, may reaksiyon sa pagkakadawit ng kanta siya isang viral post

Nakilala rin siya sa mga pelikulang Just The Way You Are, Ang Babaeng Allergic sa Wifi, at Cuddle Weather. Bukod sa kanyang acting career, isa rin siyang singer at influencer na may malakas na presensya sa social media.

Sa kabila ng mga kontrobersiya ay tahimik lang sina Dominic Roque at Sue Ramirez. Ito ay matapos kumalat ang kissing video nila habang sila ay parehas na nasa Siargao. Sa pag-ingay ng pangalan ng dalawa ay naglabas ng paglilinaw ang ex ni Sue na si Mayor Javi Benitez para linawin na apat na buwan na silang hiwalay ni Sue. Sa kasalukuyan ay dumarami ang sumusuporta kina Dominic at Sue sakali mang maging sila dahil ayon sa kanilang mga followers ay parehas naman silang single at parehas nilang deserve na lumigaya.

Naging usap-usapan sa social media ang nakakatuwang hirit ni Senyora matapos siyang i-follow ni Sue Ramirez sa Instagram. Marami ang naaliw sa naging reaksyon ng internet sensation, lalo na’t binahagi pa niya ang screenshot ng pag-follow ni Sue kalakip ng isang witty na mensahe: “Hindi ka pa nakuntento finallow mo pa talaga ako. Para ano? Ha?? iboblock talaga kitang babaita ka!”

Source: KAMI.com.gh