Xian Gaza sa pasabog ni Jam Villanueva: "Kompirmd yung splook ko noon"

- Sinabi ni Xian Gaza na tama ang kanyang dating 'splook' tungkol sa relasyon nina Maris Racal at Anthony Jennings

- Ipinunto niya ang ilang palatandaan tulad ng sweet moments at pagsusuot ng couple shoes ng dalawa

- Binanggit niya din na may naganap na double date kasama ang isang celebrity couple at may pa-cake pa sa eroplano noong birhday ng aktres

- Idiniin ni Xian na ang mga pahayag ni Jam Villanueva ay nagpatibay sa kanyang mga naunang splook tungkol sa dalawa

Nag-react si Xian Gaza matapos ang kontrobersyal na Instagram Stories ni Jam Villanueva tungkol sa hiwalayan nila ng aktor na si Anthony Jennings. Sa kanyang Facebook post, muling binalikan ni Xian ang kanyang naunang pahayag noong Setyembre 25, 2024, kung saan inilahad niya ang tungkol sa umano'y relasyon nina Maris Racal at Anthony Jennings.

Ayon kay Xian, matagal na niyang napansin ang kakaibang koneksyon sa pagitan nina Maris at Anthony, partikular na noong lumabas ang birthday post ni Maris. Aniya, “The fact na may pa-cake sa loob ng eroplano, napakahaba ng flight para hindi na mahintay ang pag-landing nito,” na may pahaging pa na tila hindi pangkaraniwan ang ganitong set-up kung simpleng magkaibigan lamang.

Read also

Video clip kung saan magkasama sina Jake Ejercito at Andi Eigenmann, kinakiligan

Binanggit din niya ang umano’y "double date" na kinasasangkutan ng dalawa kasama ang isang celebrity couple, pati na rin ang video kung saan makikitang sweet na sweet sina Maris at Anthony habang magkahawak-kamay. Sa mga salaysay ni Xian, ipinunto niya na hindi umano maitatanggi ang ebidensya—mula sa kanilang mga kilos hanggang sa kanilang pagsusuot ng "couple shoes."

Sa huli, sinabi ni Xian na ang mga revelasyon ni Jam ay nagpatibay sa kanyang mga naunang hinala. “Kompirmd ang splook ko noon,” ani Xian, na tila mas pinatotohanan pa ang mga alingasngas ukol sa relasyon nina Maris at Anthony.

Sa kasalukuyan, wala pa ring tugon mula kina Maris at Anthony tungkol sa usaping ito. Patuloy naman ang netizens sa pag-abang ng mga susunod na detalye sa kontrobersiyang ito.

Si Anthony Jennings ay sumikat nang husto sa tambalan nila ni Maris Racal. Si Mariestella "Maris" Cañedo Racal ay isang 23 anyos na Pinay actress, singer-songwriter, host, vlogger at endorser. Una siyang sumikat noong 2014 matapos niyang sumali sa Pinoy Big Brother: All In. Lumaki siya sa pamilyang mahilig sa musika at natutong tumugtog ng gitara sa murang edad.

Read also

Arjo Atayde sa mga nagtatanong sa kanila ni Maine kung kailan magkakaanak: "Nasanay na kami"

Napakomento si Maris sa mga larawang kuha ng isang fan na nanood ng Summer MMFF 2023 Parade of Stars. Makikitang blurred lahat ng kuha ng fan sa mga artistang nakasama niya sa picture. Bukod kay Maris, malabo rin ang kuha ng fan na nakasama sa larawan sina Enchong Dee at Kylie Padilla. Kaya naman hiling ni Maris na makita muli ito upang maayos silang makakuha ng picture.

Sa unang pagkakataon, nagsalita si Maris Racal tungkol sa nag-viral na larawan kung saan kapansin-pansin ang magkaparehas nilang sapatos ng aktor na si Anthony Jennings. Agad na naging usap-usapan sa social media ang litrato, na nagdulot ng samu't saring haka-haka mula sa mga netizens.

Source: KAMI.com.gh