Nag-viral na ka-look-alike ni Jericho Rosales, isa na umanong product endorser

- Matapos mag-viral ang kanyang mga larawan, agad na nabigyan ng product endorsement ang kamukha ni Jericho Rosales

- Matatandaang isang netizen ang nagbahagi ng larawan niyang nasa isang amusement park sa Davao

- Ilang araw matapos ito ay naimbitahan na siya sa isang photoshoot ng hindi pa isinasapublikong produkto

- Maraming netizens naman ang namangha dahil malaki ang pagkakahawig nito sa aktor

Agad na nabigyan ng proyekto ang nag-viral kamakailan na ka-look-alike ni Jericho Rosales na nakilalang si Junrey Baug.

Nalaman ng KAMI na dahil sa pinag-usapan nang husto ang mga larawang ibinahagi ni Hyobz Perez, agad na napansin si Junrey.

At nito lamang Agosto 10, ibinahagi naman ng Bryan Jay Photography ang mga larawan ni 'Echo look-alike' na kuha nila.

"We did not have any idea for Yesterday's shoot. We were just told by the company that we will be doing a product endorsement shoot," ang bahagi ng caption ng mga larawan ni Junrey sa Bryan Jay Photography.

Read also

Vice Ganda, pinag-sorry si Ruffa Gutierrez sa nabanggit nitong salita

Maging sila din ay nagulat na ang kukunan pala nila ng mga larawan ay si Junrey na kamukhang-kamukha umano ni Jericho.

Sinang-ayunan naman ito ng mga netizens na masayang makita ang 'Echo look-alike' na nabuksan ang mga pinto sa maraming mga oportunindad.

Narito ang ilan sa kanilang mga komento:

"OMG! Kamukha nga. Buti naman at nabigyan din agad siya ng project"

"Lalo na noong naayusan, mukhang si Echo na nga talaga siya."

"Wow! Nagkaroon agad siya ng endorsement. Good luck sa'yo"

"More blessings sa'yo Junrey. Kuya J ka na talaga"

"Tindig at awrahan, Echo na Echo talaga"

Si Jericho Rosales ay isang aktor, modelo at recording artist. Ikinasal siya kay Kim Jones na isa ring kilalang modelo. Ilan sa kanyang mga teleserye na sumikat ay Pangako Sa 'Yo (2000–2002), Sana'y Wala Nang Wakas (2003–2004) at Dahil May Isang Ikaw. Naitambal siya sa ilang leading ladies kagaya ni Kristine Hermosa at Heart Evangelista.

Read also

Enrique Gil, bibisita kay Liza Soberano sa Amerika ayon kay Ogie Diaz

Sa ngayon, madalas nang makita ang mga ganap sa buhay ni Jericho sa kanyang Instagram kung saan makikita rin na kasama niya ang misis na si Kim Jones. Katunayan, nagpakilig ang birthday message niya para rito kamakailan.

Source: KAMI.com.gh