Joy Barcoma nagsalita na tungkol sa pagtigil ng livestream ng PBB
- Nagkomento ang Miss Earth Philippines 2025 at TV host na si Joy Barcoma hinggil sa pagtigil ng livestream ng “Pinoy Big Brother: Collab 3.0” na nagsimula noong Sabado, Nobyembre 21
- Sa kanyang post sa Threads, iginiit ni Joy na hindi pa handa ang mga manonood sa Pilipinas sa isang totoong reality show hangga’t hindi pinapanagot ang mga network at hangga’t hindi nauunawaan na hindi perpekto ang mga housemates
- Inamin din ng TV host na naging bahagi siya noon ng online culture ng programa ngunit napagtanto niyang mga totoong tao rin ang mga kalahok, kaya pinaalalahanan niya ang publiko tungkol sa pagkakaiba ng call-out at pambu-bully
- Sa hiwalay na post, hiniling ni Joy na sa susunod na edisyon ng Pinoy Big Brother ay puro mga ordinaryong Pilipino ang ipasok bilang housemates at mag-imbita na lamang ng mga artista bilang houseguest
MAKI-TINGIN KA NAMAN: Pwede ka nang mag-comment sa mga artikulo ng KAMI! Subukan mo, madali lang!
Naglabas ng prangkang saloobin si Miss Earth Philippines 2025 at TV host Joy Barcoma kasunod ng anunsyo ng pagtigil sa livestream ng “Pinoy Big Brother: Collab 3.0” noong Sabado, Nobyembre 21.

Source: Facebook
Sa kanyang Threads post noon ding Sabado, sinabi ni Joy na hindi pa umano handa ang mga Pilipinong manonood sa isang totoong reality show. “We are not yet ready for a true ‘reality show.’ Not until networks are held accountable for the narratives they manufacture and the lives they leave in the crossfire. Not until viewers understand that real humans are messy, contradictory, and nuanced,” saad niya.
PAY ATTENTION: Follow us on Instagram - get the most important news directly in your favourite app!
Inamin din ng beauty queen na minsan siyang naging bahagi ng online culture ng PBB, ngunit natutuhan niyang i-enjoy na lamang ang palabas nang mapagtantong totoong tao ang mga housemates. “I was guilty of feeding into this culture too, until I was reminded that these are real people with real lives outside the house. So I took a step back and just enjoyed the show as it is,” pahayag niya. Dagdag pa niya, “Becaus[e] tbh, the entire premise is supposed to be observing authentic human behavior yet our ecosystem actively punishes authenticity.”
Binigyang-diin din ni Joy ang pagkakaiba ng pagpuna sa maling gawain at ng pambu-bully. “There is a thin line between callouts and bullying and I think we have already crossed that border,” aniya. “Next time siguro, sapat na kilig-kiligin lang tayo but not impose. Sapat na mang-callout but not bully. Sapat din to not support but not hate. Haaay. Maybe this is why we can’t have nice things?”
Sa hiwalay na post, ibinahagi niya ang kanyang hiling para sa susunod na edisyon ng programa. “SANA NEXT EDITION PURO “ORDINARYONG PILIPINO” TALAGA ANG PBB. Para we can watch the housemates and see them as humans. Wala tayong nilalagay sa pedestal kasi wala naman tayo expectation in the first place. Wala tayong built image in our heads and we get to know them the same time they learn more about themselves,” hiling niya. “Mag-houseguest na lang ng artista from time to time.”
Matatandaang inanunsyo nina Bianca Gonzalez at Gabbi Garcia ang desisyon ng ABS-CBN at GMA Network na itigil ang livestream dahil ginagamit umano ito ng ilang netizens upang magpakalat ng mali, mapanira, at malisyosong detalye tungkol sa mga housemates. Si Joy Barcoma naman ay kilala hindi lamang bilang kinoronahang Miss Earth Philippines 2025 at TV host, kundi pati na rin sa pagiging bukas sa pagbabahagi ng kanyang opinyon sa mga napapanahong isyu sa social media.
Hindi ito ang unang beses na naging usap-usapan online ang mga prangkang pahayag at suhestiyon ni Joy tungkol sa iba't ibang paksa.
Kamakailan lamang, naiulat sa Kami.com.ph ang naging suhestiyon ni Joy para sa mga nagbabalak tumakbo sa darating na 2028 elections. Umani ito ng iba't ibang reaksyon mula sa mga netizen na sumusubaybay sa kanyang mga post sa social media. Ipinakita nito ang patuloy niyang pagiging aktibo sa pagbabahagi ng kanyang pananaw sa mga usaping pampubliko.
Samantala, ibinalita rin ng Kami.com.ph ang kakaibang ideya ni Joy kung sino ang dapat maging housemates sa Pinoy Big Brother. Maraming tagasubaybay ng reality show ang nagbigay ng kani-kanilang saloobin sa kanyang mungkahi online. Naging bahagi ito ng mas malawak na talakayan ng mga manonood tungkol sa direksyon ng programa.
Bagong feature: Tingnan ang mga balitang para sa'yo ➡️ hanapin ang "Recommended for you" block at mag-enjoy!
Source: KAMI.com.gh


