Cristy Fermin sa tweet ni Mo twister ukol umano sa BBM supporters: "Napakayabang"

- Hindi napigilang magbigay ng saloobin si Cristy Fermin tungkol umano sa tweet ni Mo twister sa naging resulta ng eleksyon

- Aniya, "napakayabang at napakaangas" ng mga pinakawalang salita nito para sa 31 million na sumuporta umano sa kay President-elect Bongbong Marcos

- Ayon kay Cristy, wala na nga umano si Mo sa bansa at nakuha pa raw nitong mangialam sa katatapos lang na Halalan

- Pagtatanggol pa ni Cristy, ginamit lamang ng 31 million na ito ang kanila umanong karapatang bumoto at pumili ng sa palagay nilang nararapat na mamuno sa bansa

Diretsahang nagbigay ng kanyang komento si Cristy Fermin patungkol sa tweet umano kamakailan ng DJ, host at dating aktor na si Mo Twister.

Read also

Cristy Fermin, pinabulaanang naubusan ng pera si Manny Pacquiao: "Milyonaryo naman"

Nalaman ng KAMI na ukol umano ang tweet sa 31 million na bumoto kay President-Elect Bongbong Marcos.

Sa tweet ni Mo noong Mayo 19, ilang araw matapos ang eleksyon, nasabi nito ang mga katagang "Thirty-one million... Uunderstand, there is no strength in numbers when all of you are stupid."

Inalmahan ito ni Cristy lalo na at wala naman umano dito si Mo para raw mangialam sa mga kaganapan sa bansa.

"Alam mo ang sabi ng mga BBM supporters, bumalik ka dito, pumunta ka rito, sa airport pa lang tig-iisang pitik lang kami tingnan ko kung saan ka mapupunta. Yabang, Napakayabang!" ani ni Cristy.

Dahil dito, nabanggit din ni Cristy ang umano'y mga responsibilidad na tila tinakasan na rin ni Mo dito sa bansa.

Isa sa mga tinutukoy niya ay ang umano'y anak nito sa isang dating aktres na hindi na raw nito nagagawang sustentohan.

"Nakikialam siya sa mga pulitiko, artista, upak siya ng upak, Umuwi ka dito! Dito ka magmaangas, dito ka magmayabang!" dagdag pa ni Cristy.

Read also

Alex Gonzaga, natuwa sa -viral niyang tweet na may 'unity' comments ng netizens

Narito ang kabuuan ng pahayag nila nina Romel Chika at Morly Alinio mula sa kanyang YouTube channel na Showbiz Now Na!:

Si Cristy Fermin ay veteran showbiz columnist at reporter sa Pilipinas. Sa loob ng ilang dekada, ilang talk shows na rin ang kanyang pinagbidahan kung saan mahihinuha ang mga latest showbiz chika.

Sa ngayon, patuloy pa rin ang kanyang pagbibigay ng maiinit na showbiz balita sa kanyang radio program na Cristy Ferminute at YouTube channel na Showbiz Now Na!

Kamakailan, nabigyang puri ni Cristy ang hosting skills ni Toni Gonzaga lalo na sa pagsampa nito sa entablado ng UniTeam. Aniya, wala raw kasi itong binabasa gaya ng teleprompter sa kanyang pagkampanya sa 'BBM-Sara tandem.'

Source: KAMI.com.gh