Tagalog

Mga pamangkin ni PNoy, inalala ang mga huling araw ng kanilang 'Tito Noy'

Saturday, June 26, 2021 at 4:49 PM by Marisse Gulferica

- Inalala ng mga pamangkin ni dating Pangulong Benigno "Noynoy" Aquino III ang mga huling sandaling nakasama nila ito

- Si Miguel, nakapagdiwang pa ng Father's Day kasama si PNoy kung saan dinalaw nila ito para mag-lunch

- Napansin na nila ang panghihina umano nito dahil makalipas lamang ang nasa dalawang oras, nagpaalam na ito na kailangan nang bumalik sa kwarto para magpahinga

- Ang isa pang pamangkin ni PNoy ay nabilhan pa siya ng Music magazine na hindi basta mabibili sa Pilipinas, nagpasalamat pa raw ito sa kanya at natuwa sa ibinigay

PAY ATTENTION: Click "See First" under the "Following" tab to see KAMI news on your News Feed!

Naibahagi ng dalawa sa walong mga pamangkin ng yumaong Pangulong Benigno "Noynoy" Aquino III ang mga huling sandali na nakasama at nakausap nila ang kanilang 'Tito Noy.'

Nalaman ng KAMI na nakapag-celebrate pa ng Father's Day lunch ang dating pangulo kasama ang pamangkin na si Miguel Abelleda at mga magulang nito.

Read also

Driver ni PNoy, labis-labis ang kalungkutan: "Araw-araw kaming magkasama”

Sa panayam sa kanya ng ABS-CBN, nilahad niyang nakapagpaluto pa umano ang kanyang 'Tito Noy' ng paborito nitong dumplings na isa sa kanilang napagsaluhan.

Mga pamangkin ni PNoy, inalala ang huling sandaling nakasama nila ang pumanaw na Pangulo — Photo: Former President Benigno "Noynoy" Aquino III with his sister, Kris Aquino, and his nephews, Joshua and Bimby. Photo by Kris Aquino (@krisaquino)
Source: Instagram

Makalipas ang nasa dalawang oras, nagpaalam na raw ang kanyang tiyo na bumalik na sa kanyang kwarto.

"After two hours or one hour and a half 'nung lunch namin sabi niya pasensya na, pagod na ako. I need to go back to my room and lie down."

Samantala, ang isang pamangkin naman ni PNoy na si Jiggy, sa text huling nakausap ang kanyang Tito Noy noong isang linggo.

Naibili niya kasi ito ng isang music magazine na hindi basta mabibili sa bansa.

"And then 'yung last niya was like 'uy thank you sa magazines, hindi na makahanap 'yung supplier ko, magkano utang ko?" ang huling text daw sa kanya ng kanyang tiyo.

Nilarawan nilang strikto ang kanilang 'Tito Noy.' Ngunit bahagi lamang daw ito ng pagtupad sa bilin ng kanilang lolo na si dating Senador Ninoy Aquino na alagaan ang kanilang pamilya.