Tagalog

Ama, naiyak nang biglang dumating ang anak na tatlong buwang hindi nakauwi

Wednesday, April 14, 2021 at 4:51 PM by Marisse Gulferica

- Viral ngayon ang video ng isang ama na talagang naiyak sa pag-uwi ng kanyang anak

- Makikita sa video na hindi mapigilan ng ama ang pag-agos ng luha nang muling makita ang anak na tatlong buwang hindi nakauwi

- Nang tanungin siya ng kanyang anak kung na-miss siya nito, talagang sumagot ang ama ng "oo"

- Maraming netizens ang naantig ang puso sa reaksyon ng ama sa pagdating ng kanyang anak na sobrang miss na raw niya

Agaw-eksena sa TikTok ang video ni James Roche @haymemanalo kung saan ipinakita niya kung gaano kalambing sa kanya ang ama.

Nalaman ng KAMI na hindi nakauwi si James sa kanilang probinsya kung nasaan ang ama sa loob ng tatlong buwan.

Marahil dala ng mga community quarantine, noon lamang nagkitang muli si James at ang kanyang ama.

Read also

Isang babaeng mag-isang nagdiwang ng kanyang kaarawan, umantig sa mga netizens

Kapapasok pa lamang ng anak sa ama para mag-mano ay tumulo na agad ang luha nito.

"Na-miss mo ako tatay?" tanong ni James, at agad naman siyang sinagot ng ama ng "oo" habang pinapahid nito ang kanyang luha.

Maraming netizens ang naantig ang puso sa tagpong ito at tila nakaramdam din sila ng pagka-miss sa kanilang ama.

Narito ang ilan sa kanilang mga komento:

"Nakakadala naman 'yung iyak ni tatay, talagang love niya ang kanyang mga anak"

"Napaka-swerte mo po kuya na mayroon ka pang tatay na ganyan ka-sweet"

"Imagine, three months pero ganyan na ang iyak ni tatay, love na love ka po niya!"

"Nag-worry lang po si tatay sa inyo dahil sa COVID-19, thankful po 'yan na safe kayo"

"Minsan lang sa mga tatay maging expressive, swerte po kayo at ganyan po kalambing ang tatay niyo"