Ashley Ortega, nag-open kay Ivana tungkol sa ina: "Three years na kaming hindi nakapag-usap"

- Nagkaroon ng pagkakataon sina Ivana Alawi at Ashley Ortega na mag-heart to heart talk sa loob ng PBB house

- Ito ay tungkol umano sa ina ni Ashley na hindi na niya nakakausap sa loob ng tatlong taon

- Dahil dito, nasabi ni Ashley na living alone siya bilang isang 'strong independent girl'

- Ikinagulat ito ni Ivana bilang malapit naman siya sa kanyang pamilya lalo na sa kanyang ina

Naikwento ni Ashley Ortega kay Ivana Alawi ang tungkol sa kanyang ina na hindi siya umano kinakausap sa loob ng tatlong taon.

Sa video na kuha sa loob ng Pinoy BIg Brother house, makikitang nagulat si Ivana nang malamang taon na ang binilang ni Ashley sa panahong hindi niya nakakasama at nakakausap manlang ang ina.

"Three years na akong living alone, ako lang mag-isa. Galit pa rin siya sa akin. I haven’t spoken to her in three years. Mag-isa lang ako. I’m a strong independent girl. Ako lang mag-isa, saka si Mavy [Legaspi], ang dyowa ko. Sana magbati na kami. Hinihintay ko lang naman siya," ang naging pahayag ni Ashley.

Read also

Jak Roberto, ibinida ang pinapagawang dream house na 95% nang tapos

Umaasa rin siya na maaring ang Pinoy Big Brother pa ang maging daan upang magkaayos sila ng kanyang ina.

"Baka dito pa kami magkaayos," ani Ashley.

Samantala, halos hindi makapaniwala si Ivana na tatlong taon nang walang komunikasyon si Ashley sa ina lalo na at kilala si Ivana na malapit sa pamilya.

Aniya, baka magkaroon umano siya ng anxiety kung hindi makausap ang ina na lagi niyang isinasapubliko ang pagmamahal at pagmamalasakit para rito.

Narito ang kabuuan ng kanilang naging heart to heart talk sa PBB house na ibinahagi rin ng TikTok ng @pbbcelebritycollab

Si Ivana Alawi ay unang nakilala nang sumali siya sa reality show na "StarStruck" sa GMA-7. Dahil sa kanyang taglay na ganda, sumikat siya sa social media pati na rin sa mundo ng vlogging. Sa kasalukuyan, umabot na sa mahigit 18.6 million ang kanyang mga YouTube subscribers. Isa sa mga pinakahuling naging proyekto ni Ivana ay nang maging bahagi siya ng FPJ Batang Quiapo kung saan ginampanan niya ang karakter bilang si Bubbles.

Read also

Jellie Aw, nilabas ang screenshot ng mensahe mula kay Jam Ignacio

Samantala, hindi pa rin binitawan ni Ivana ang kanyang YouTube channel lalo na at marami ang naaaliw sa kanyang mga vlogs dahil sa kulitan nila ng kanyang pamilya. Makikita rin kasi dito ang kabutihan ng puso ni Ivana na hindi lang siya sa kanyang pamilya matulungin kundi lalo na sa mga kababayan nating kapos-palad.

Matatandaang noong nakaraag Pasko, taong 2024, ilang mga street vendors ang napasaya ni Ivana dahil sa surpresang kanyang dala. Sa tuwing may papayag na vendor na bigyan na lamang ang kanyang kasabwat, na nagpanggap umano na walang pambayad, lalapit si Ivana para hawakan ang paninda at bibilhin na niya ito lahat.

Bago rin magtapos ang nagdaang taon, mga delivery riders naman ang kanyang napasaya gayundin ang mga construction workers na kanyang nakasalamuha. Doon, nakita ni Ivana na hindi basta ang trabaho ng mga construction workers na kanyang sinubukan. Nabigyan niya ang mga ito ng maagang pamasko na ayon sa kanila ay malaking tulong sa kanilang mga pamilya na siyang dahilan kung bakit sila nagsisipag sa kanilang mga hanapbuhay lalo na at karamihan sa kanila'y malayo sa kanilang mga mahal sa buhay.

Proofreading by Marisse Gulferica, copy editor at KAMI.com.gh.

Source: KAMI.com.gh