Ivana Alawi, namigay ng pamasko sa mga street vendors na may mabubuting puso

• Muling nagbahagi ng biyaya si Ivana Alawi sa mga street vendors na may mabubuting puso
• Mayroon siyang kasabwat na magkukunwaring nawalan ng pera na pambili ng kung anumang inilalako ng vendor
• At kung magbigay ang vendor, kahit walang pambayad ang kasabwat ni Ivana, bibigyan niya ito ng surpresa
• Matatandaang isa si Ivana sa mga vloggers na kilala sa pagtulong sa kapwa lalo na sa kasagsagan ng pandemya

Sa kanyang "Buying Everything Ivana Touches" street vendors ang kanyang naging target na tulungan.Sa kanyang "Buying Everything Ivana Touches" street vendors ang kanyang naging target na tulungan.

Mayroon lamang siyang naging kasabwat na magkukunwaring nais bumili ng kung anumang paninda ng vendor subalit wala itong pambayad.

Sa tuwing may papayag na vendor na bigyan na lamang ang kanyang kasabwat, lalapit si Ivana para hawakan ang paninda at bibilhin na niya ito lahat.

Nang tanungin ni Ivana ang mga nagbibigay, halos iisa lamang ang kanilang naging sagot.

Read also

Kaibigan ni Kris Aquino, nilinaw ang fake news tungkol sa kalagayan ng aktres

'Di alintana sa mga ito ang mawawalang halaga sa kanila gayung alam nila ang pakiramdam nang gutom kaya naman hindi sila nagdalawang isip na tumulong.

Matatandaang hindi ito ang unang pagkakataon na nagbahagi ng tulong si Ivana na isa sa mga naasahan ng mga kababayan nating kapos-palad sa panahon ng pandemya.

Samantala, si Ivana Alawi ay unang nakilala nang sumali siya sa reality show na "StarStruck" sa GMA-7. Dahil sa kanyang taglay na ganda, sumikat siya sa social media pati na rin sa mundo ng vlogging. Sa kasalukuyan, umabot na sa mahigit 18.2 million ang kanyang mga YouTube subscribers. Marami ang naaaliw sa mga vlogs ni Ivana sa kanyang channel dahil sa kulitan nila ng kanyang pamilya. Makikita rin kasi dito ang kabutihan ng puso ni Ivana na hindi lang siya sa kanyang pamilya matulungin kundi lalo na sa mga kababayan nating kapos-palad.

Katunayan, kamakailan lamang ay ang mga delivery riders naman ang kanyang napasaya gayundin ang mga construction workers na kanyang nakasalamuha. Nabigyan niya ang mga ito ng maagang pamasko na ayon sa kanila ay malaki ang maitutulong sa kanilang mga pamilya na siyang dahilan kung bakit sila nagsisipag sa kanilang mga hanapbuhay.

Source: KAMI.com.gh