Rufa Mae Quinto, binahagi ang tungkol sa aniya'y 'help, help hooray" ni Willie Revillame sa kanya

• Nagpasalamat si Rufa Mae Quinto kay Willie Revillame sa episode ng Wil to Win dahil sa tulong na ibinigay nito sa kanya
• Ikinuwento ni Rufa Mae na inalok siya ni Willie ng P1 milyon nang magkasabay sila sa isang restaurant
• Matapos sumuko kamakailan upang harapin ang mga kaso laban sa kanya, nananatili si Rufa Mae na positibo at masigla
• Umani ng suporta mula sa netizens at fans ang heartwarming episode ng Wil to Win na nagpakita ng kabutihan ni Willie kay Rufa Mae

Bongga at puno ng good vibes ang naging pagbisita ng komedyanteng si Rufa Mae Quinto sa isang episode ng Wil to Win, kung saan pinasalamatan niya si Willie Revillame para sa malaking suportang naibigay nito sa kanya sa panahon ng pagsubok.

Sa episode, ipinamalas ni Rufa Mae ang kanyang trademark humor habang masayang nakikipagkulitan kay Willie. Nagpasalamat siya sa mga taong tumulong sa kanya, partikular na kay Willie, na hindi nagdalawang-isip na tumulong sa kanya. Ani ni Rufa Mae, “Hindi naman po ako nakulong dahil meron po akong bail, so ngayon bilbil na lang.”

Read also

Mura at ama, sumailalim sa medical check-up at nakatanggap ng tulong mula sa GMA Kapuso Foundation

Ikinuwento rin niya kung paano siya natulungan ni Willie sa pinaka-kailangang pagkakataon. Ayon sa kanya, nagkataon silang nagkita sa isang restaurant, at agad siyang inalok nito ng tulong. “Binigyan niya po ako ng 1 million pesos,” natatawang pagbabahagi ni Rufa Mae, sabay dagdag na sinabi pa niya kay Willie na, “Bukas na lang, pag-isipan mo muna, baka nagugulat ka lang.”

Sa kanyang Instagram post, nagbahagi si Rufa Mae ng litrato nilang magkasama ni Willie na may caption na: “Thanks for making me happy, Willie. And for the help help Hooray.”

Matatandaang kamakailan ay sumuko si Rufa Mae upang harapin ang mga kasong isinampa laban sa kanya. Ngunit sa kabila ng mga hamon, ipinakita niyang nananatili siyang positibo at masigla.

Ang heartwarming episode na ito ay umani ng positibong reaksyon mula sa mga netizens at fans ng dalawa. Marami ang pumuri kay Willie para sa kanyang kabutihan at patuloy na pagtulong sa mga nangangailangan. Patunay ito na sa gitna ng mga pagsubok, laging may kaibigang handang dumamay.

Read also

Charo Santos, kinaaliwan sa kanyang binahaging BTS ng eksena nya sa Batang Quiapo

Si Rufa Mae Quinto-Magallanes ay sumikat bilang isang Filipina actress, comedian at TV host. Nakilala siya sa kanyang kakaibang estilo ng pagpapatawa. Pinasok niya ang mundo ng showbiz nang mapabilang siya sa That's Entertainment noong 1996. Ilan sa sumikat niyang pagganap ay bilang si 'Booba' sa pelikulang Booba noong 2001 at bilang si 'Boobita Rose' sa Masikip sa Dibdib.

Matapos ang kanyang pamamalagi sa Amerika, bumalik kamakailan sa Pilipinas si Rufa Mae. Nauna siyang napasama sa UniTeam rally na talaga namang pinag-usapan. Sa kanyang pag-uwi sa Pilipinas, ibinahagi niya sa kanyang social media account ang bagong bahay na kanilang tinitirhan pagbalik nila sa Pinas.

Matapos lumabas ang video ng kanyang pagkanta sa rally para kay Senator Manny Pacquiao, agad na nag-trend sa Twitter si Rufa Mae. Marami ang nawindang na makita siya sa naturang rally dahil bago ito ay naroroon din siya sa UniTeam rally ni Pangulong Bongbong Marcos. Maging si Rufa Mae ay binahagi sa kanyang Instagram story ang screenshot ng top trends sa Twitter kung saan makikita ang kanyang pangalan.

Source: KAMI.com.gh