Glam team ni Maris Racal, nag-post kasunod ng nilabas na pahayag ng aktres

- Naglabas si Maris Racal ng pahayag na nagsasabing inakala niyang single na si Anthony Jennings

- Ipinahayag ng stylist na si Adrianne Concepcion na alam nilang lahat na single si Anthony at wala silang kinalaman sa anumang maling gawi

- Sinabi naman ng makeup artist na si Jay Salcedo na clueless din sila at inakala nilang single si Anthony batay sa kanilang pagkakaalam

- Nagpakita ng suporta ang glam team ni Maris Racal at iginiit na alam nila ang katotohanan sa isyu

Nagbigay-linaw si Maris Racal sa isyu kaugnay ng kanyang ugnayan kay Anthony Jennings matapos pumutok ang nilabas na alegasyon ni Jam Villanueva. Ayon kay Maris, inakala niyang si Anthony ay single.

Kasunod nito, naglabas din ng pahayag ang glam team ni Maris upang ipagtanggol siya at magbigay ng suporta. Sa isang post, sinabi ng stylist na si Adrianne Concepcion na batay sa kanilang nalalaman, single si Anthony.

Read also

Maris, sa text na pagkumusta kay Jam: "It wasn't because alam kong sila pa"

Idinagdag pa niya na nalaman lamang nila ang mga detalye ng isyu kasabay ng publiko at iginiit na hindi nila kailanman sinuportahan o inaprubahan ang anumang maling gawi. Ani Concepcion, naninindigan siya laban sa gaslighting, cheating, at infidelity, at nangakong hindi magiging bahagi ng ganitong mga gawain.

“Mahigpit na yakap, Maris. Alam namin ang katotohanan, and we will rally behind you,” pahayag niya.

Samantala, nagpahayag din ng suporta ang makeup artist na si Jay Salcedo. Ayon sa kanya, wala rin silang kaalaman tungkol sa isyu at inakala nilang single si Anthony batay sa umiikot na impormasyon. Nagpaabot siya ng yakap kay Maris at sinabing alam nila ang katotohanan.

Ang mga pahayag ng glam team ay nagpatunay ng kanilang paniniwala at suporta kay Maris sa gitna ng kontrobersya. Patuloy na inaabangan ng publiko ang susunod na kabanata ng isyung ito.

Si Mariestella "Maris" Cañedo Racal ay isang 23 anyos na Pinay actress, singer-songwriter, host, vlogger at endorser. Una siyang sumikat noong 2014 matapos niyang sumali sa Pinoy Big Brother: All In. Lumaki siya sa pamilyang mahilig sa musika at natutong tumugtog ng gitara sa murang edad.

Read also

Maris Racal, nagsalita na sa gitna ng kontrobersiya: "I am so embarrassed"

Napakomento si Maris sa mga larawang kuha ng isang fan na nanood ng Summer MMFF 2023 Parade of Stars. Makikitang blurred lahat ng kuha ng fan sa mga artistang nakasama niya sa picture. Bukod kay Maris, malabo rin ang kuha ng fan na nakasama sa larawan sina Enchong Dee at Kylie Padilla. Kaya naman hiling ni Maris na makita muli ito upang maayos silang makakuha ng picture.

Sa unang pagkakataon, nagsalita si Maris Racal tungkol sa nag-viral na larawan kung saan kapansin-pansin ang magkaparehas nilang sapatos ng aktor na si Anthony Jennings. Agad na naging usap-usapan sa social media ang litrato, na nagdulot ng samu't saring haka-haka mula sa mga netizens.

Source: KAMI.com.gh