Rufa Mae Quinto, binahagi ang statement na nilabas ng kanyang abogado

- Binahagi ni Rufa Mae Quinto ang statement ng kanyang abogadong si Atty. Mary Louise Reyes sa kanyang Instagram story

- Kinumpirma ni Atty. Reyes na may warrant of arrest si Rufa Mae dahil sa 14 na kaso ng paglabag sa Securities Regulation Code

- Nilinaw ng abogado na brand ambassador lamang si Rufa Mae at walang kinalaman sa operasyon ng Dermacare

- Magboboluntaryong sumuko si Rufa Mae upang harapin ang kaso at magpo-post ng piyansa ayon sa kanyang legal counsel

Ibinahagi ni Rufa Mae Quinto ang opisyal na pahayag na inilabas ng kanyang abogado, si Atty. Mary Louise Reyes, patungkol sa kinakaharap niyang legal na isyu. Sa pamamagitan ng kanyang Instagram story, ni-repost ni Rufa Mae ang nasabing pahayag mula sa kanyang legal counsel.

Kinumpirma ni Atty. Reyes na may nakabinbing warrant of arrest laban kay Rufa Mae Quinto kaugnay ng 14 na kaso ng paglabag sa Section 8 ng Securities Regulation Code. Ang nasabing batas ay nagbabawal sa pagbebenta ng securities tulad ng shares at investments nang walang rehistradong pahayag na inaprubahan ng Securities and Exchange Commission (SEC).

Read also

Rufa Mae Quinto, may mga warrant of arrests ayon kay Boy Abunda

Sa isang panayam, sinabi ni Atty. Reyes na magboboluntaryong sumuko si Rufa Mae upang harapin ang mga kaso at agad na magpo-post ng piyansa. Nilinaw din niyang walang katotohanan ang mga alegasyon laban sa aktres.

Ang kaso ay may kaugnayan sa Dermacare, ang parehong kompanya na sangkot sa naunang isyu ng aktres-entrepreneur na si Neri Naig.

Bagamat nag-aalala si Rufa Mae sa mga paratang, patuloy niyang ipinahayag ang kumpiyansa sa proseso ng hustisya at sa suporta ng kanyang legal counsel.

Si Rufa Mae Quinto-Magallanes ay sumikat bilang isang Filipina actress, comedian at TV host. Nakilala siya sa kanyang kakaibang estilo ng pagpapatawa. Pinasok niya ang mundo ng showbiz nang mapabilang siya sa That's Entertainment noong 1996. Ilan sa sumikat niyang pagganap ay bilang si 'Booba' sa pelikulang Booba noong 2001 at bilang si 'Boobita Rose' sa Masikip sa Dibdib.

Matapos ang kanyang pamamalagi sa Amerika, bumalik kamakailan sa Pilipinas si Rufa Mae. Nauna siyang napasama sa UniTeam rally na talaga namang pinag-usapan. Sa kanyang pag-uwi sa Pilipinas, ibinahagi niya sa kanyang social media account ang bagong bahay na kanilang tinitirhan pagbalik nila sa Pinas.

Read also

Toni Gonzaga, binahagi ang picture nila ng asawa kasama si Charo Santos

Matapos lumabas ang video ng kanyang pagkanta sa rally para kay Senator Manny Pacquiao, agad na nag-trend sa Twitter si Rufa Mae. Marami ang nawindang na makita siya sa naturang rally dahil bago ito ay naroroon din siya sa UniTeam rally ni Pangulong Bongbong Marcos.

Source: KAMI.com.gh