Anne Curtis at Vice Ganda, kinaaliwan ng netizens sa kanilang online bardagulan

- Nagkulitan sina Anne Curtis at Vice Ganda sa X tungkol sa pang-aasar ni Vice kahit wala si Anne sa isang episode ng It’s Showtime

- Ginamit ni Anne ang kanyang Madame Tussauds wax figure bilang biro at "resbak" sa biruan nila ni Vice

- Sinagot naman ito ni Vice at sinabing mas marami siyang "pamilya" na makakalaban ni Anne

- Inilunsad ang wax figure ni Anne Curtis sa Makati City at magiging bahagi ito ng Madame Tussauds Hong Kong simula Disyembre 9

Naghatid ng good vibes sa social media ang palitan ng kulitan nina Anne Curtis at Vice Ganda matapos mag-post si Vice ng clip mula sa isang episode ng It’s Showtime sa X (dating Twitter). Sa naturang clip, biro ni Vice ang tungkol sa pang-aasar niya kay Anne kahit wala ito sa episode.

“Masayang masaya kayo pag vinavarda ko si Anne no?! Cge bukas ulit!” ani Vice sa kanyang caption.

Read also

Ogie Diaz, nagtanong kung totoong may warrant of arrest din sina Rufa Mae Quinto at Manny Pacquiao

Sumagot naman si Anne at sinabing, “Ahhhhh ganun ha! Porket workity work ako ngayon ha! Antayin mo pagbalik ko talaga. Susuotin ko yang hair mo bago ka dumating at hindi ko isosoli. Nyar nyar nyar!”

Hindi naman nagpatalo si Vice at sinagot ito nang may patawa, “Wag mo kong pinagbabantaan! Di ako natatakot sayo! Sa tagal mong bumalik malamang tumubo na ung totoo kong buhok wala ka pa! At pag balik mo baka si Ryan na ung naka wig! Bwark bwark bwark bwark!”

Ginamit pa ni Anne ang kanyang Madame Tussauds wax figure bilang “resbak” kay Vice. Ani Anne, “Dapat matakot ka. I have a resbak na. Dalawa na kaming ‘ball of light and sunshine’ mangbwibwiset sa 'yo ngayon. Ngyar ngyar ngyar ngyar ngyar!!!!!”

Sumagot muli si Vice ng, “Jusko!!! Hapakayabang mo! Yan ba pinagmamalaki mo? Dalawa lang kayo! Manginig ka na pag nakasalubong mo tong buong pamilya ko! Baka sa nunal pa lng ni Girlie maihi ka na sa takot! Bwark bwark bwark!”

Read also

Gerald Anderson, ayaw makialam sa isyu ng pamilya ni Julia Barretto at Dennis Padilla

Samantala, pinakita nitong Miyerkules sa Makati City ang wax figure ni Anne Curtis na gawa ng Madame Tussauds. Inaasahang magiging bahagi ito ng Madame Tussauds Hong Kong simula Disyembre 9.

Si Vice Ganda ay isa sa pinakasikat na komedyante at TV host sa kasalukuyan. Nakilala siya sa kanyang husay sa pagpapatawa at mga pelikulang kadalasan ay tumatabo sa takilya. Kabilang din siya sa noontime show na It's Showtime na 13 taon nang napapanood sa ABS-CBN. Bukod sa kanyang pag-aartista, siya rin ay nagmamay-ari ng beauty products na Vice Cosmetics.

Hindi nag-atubili si Vice Ganda na magtanggal ng kanyang wig upang ipadama sa kalahok sa Expecially for You na si April. Ani Vice, hindi na siya taong affected sa mga taong napapangitan sa kanya pag wala syang wig.

Binatikos ng netizens ang Cebu-based LGBTQIA+ writer dahil sa pagagalit sa food server na tumawag sa kanya ng "Sir". Ikinumpara ng netizens ang insidente sa karanasan ni Vice Ganda na tinawag ding "Sir" pero tinanggap lang niya ito nang walang galit.

Source: KAMI.com.gh