Isa pang di pinangalanang aktres na endorser kagaya ni Neri, kinasuhan din

- Ayon sa abogado ng mga complainant na nag-invest sa skin care business na inendorso ni Neri Miranda, may isa pang aktres na kinasuhan din

- Kagaya ni Neri ay may kinaharap na parehas na kaso ang di pinangalanang aktres na ayon kay Atty. Labe ay sikat din

- Matatandaang unang lumabas ang tungkol sa balitang ito nang banggitin ni Ogie Diaz sa kanyang showbiz update ang tungkol sa balita

- Kinalaunan ay kinumpirma ng otoridad ang tungkol sa balitang ito at lumabas din ang video ng pagserve ng warrant of arrest sa aktres

Isang di pinangalanang aktres ang kinasuhan kaugnay ng umano’y maanomalyang operasyon ng isang skin care business na inendorso rin ni Nerizza Naig Miranda.

Ayon kay Atty. Roberto Labe, abogado ng mga complainant, may parehas na kaso ng syndicated estafa at paglabag sa Securities Regulation Code ang nasabing aktres. Inilarawan ni Labe ang aktres bilang isang kilala at sikat na personalidad sa showbiz industry.

Read also

Investment ng mga nagkaso kay Neri, umabot sa P89 M ayon sa abogado nila

Unang umugong ang balita nang ibahagi ito ni Ogie Diaz sa kanyang showbiz update. Ayon kay Diaz, nakatanggap siya ng impormasyon na may kasamang warrant of arrest ang kaso laban sa aktres na konektado rin sa nasabing negosyo.

Kinalaunan, kinumpirma ng mga otoridad ang balita at lumabas ang video ng aktwal na pagsilbi ng warrant of arrest sa aktres. Ang insidente ay nagdulot ng mas malawak na atensyon sa isyu, lalo na’t patuloy ang reklamo ng mga investors na nawalan umano ng malaking halaga dahil sa negosyo.

Patuloy na iniimbestigahan ang kaso habang inaasahan ang iba pang detalye mula sa mga otoridad.Samantala, bukas ang KAMI sa panig ni Neri sakaling nais nilang magbigay ng paglilinaw ukol sa isyu

Si Neri Naig Miranda o Nerizza Garcia Presnede Naig-Miranda sa tunay na buhay ay isang aktres na unang nakilala nang mapasali siya sa reality show ng ABS-CBN na Star Circle Quest. Tinanghal siyang 6th runner-up sa naturang talent search. Taong 2014 nang ikasal sila ng bokalista ng bandang Parokya ni Edgar na si Chito Miranda.

Read also

Miss Glenda, ibinahagi ang dahilan ng kanyang pagkawala ng halos apat na buwan

Hindi man aktibo sa showbiz, naging matagumpay si Neri pagdating sa pagnenegosyo. Marami ang humanga sa kanya ngunit mayroon ding mga negatibo ang pagtanggap sa pagbabahagi ni Neri tungkol sa kanyang mga negosyo.

Hindi naman pinalampas ni Chito ang isang netizen na nagsabing mayabang sila ng kanyang asawang si Neri. Sinabihan ni Chito ang netizen na mag-unfollow na lang kung naiinis siya sa post ni Neri dahil mayroon namang mga netizens na na-iinspire sa post ng kanyang asawa.

Source: KAMI.com.gh