Neri Naig, nais hingan ng pahayag ni Ogie Diaz sa nabalitaang inaresto umano ito
- Nakarating umano kay Ogie Diaz na inaresto ang negosyante at aktres na si Neri Naig Miranda
- Binanggit din nito ang nilabag tinaguriang 'Wais na misis' dahilan para siya ay arestuhin
- Laking gulat din umano ni Ogie nang mabansagan pa itong top most wanted person
- Hiling ni Ogie na makinig ang parehong panig nina Neri at maging ng nagreklamo sa kanya
MAKI-TINGIN KA NAMAN: Pwede ka nang mag-comment sa mga artikulo ng KAMI! Subukan mo, madali lang!
Isang source umano ang nagparating kay Ogie Diaz na inaresto ang negosyante at aktres na si Neri Naig Miranda.
Source: Facebook
Sa kanyang Ogie Diaz Showbiz Update binanggit na November 23 inaresto ang aktres ng Pasay City Police.
"May nagpasa lang ng impormasyon na ito sa amin na last November 23 ay inaresto ng Pasay City Police sa kasong paglabag sa section 28 of the RA 8799 o ang tinatawag na the securities and regulations code ng securities and exchange commission ang aktres at tinaguriang wais na misis na si Neri Naig Miranda"
Ang nilalaman ng section 28 ng RA 8799 ay nagsasaad na walang sinuman ang maaaring bumili, magbenta, o kumilos bilang isang salesman o kasamang tao ng isang broker o dealer sa Pilipinas nang hindi nakarehistro sa Komisyon.
Like and share our Facebook posts to support the KAMI team! Share your thoughts in the comments. We love reading them!
Lalong nagulat si Ogie nang sabihing 'wanted' ang dating aktres.
"Na-shock din kami nung sabihing top most wanted person ang naturang aktres."
"Di pa malinaw kung anong eksakto ang dahilan at kung sino ang mga nagrereklamo. Kung totoo man ito ay mas magandang mapakinggan din ang panig ni Neri."
Sinabi pa ng source ni Ogie na maaring may hindi nakasundo sa negosyo si Neri dahilan para diretsa na siyang kasuhan.
"Sana ay mapakinggan natin ang bersyon ni Neri at ng mga nagreklamo sa kanya"
Narito ang kabuuan ng talakayan:
Si Neri Naig Miranda o Nerizza Garcia Presnede Naig-Miranda sa tunay na buhay ay isang aktres na unang nakilala nang mapasali siya sa reality show ng ABS-CBN na Star Circle Quest. Tinanghal siyang 6th runner-up sa naturang talent search. Taong 2014 nang ikasal sila ng bokalista ng bandang Parokya ni Edgar na si Chito Miranda.
Sa ngayon, isa nang matagumpay na businesswoman si Neri na labis na hinahangaan ng marami dahil sa kanyang kakaibang sipag at diskarte sa pagnenegosyo.
Samantala sa pinakahuling post ni Neri, binati pa nito ang panganay na anak nila ni Chito na nagdiwang ng kaarawan nito isang araw bago ang petsa ng sinasabing pagkaaresto 'di umano sa kanya.
Bagong feature: Tingnan ang mga balitang para sa'yo ➡️ hanapin ang "Recommended for you" block at mag-enjoy!
Source: KAMI.com.gh
