Sachzna Laparan, bumalik na rin sa pag-aaral: "Pagsamahin natin ang diploma at diskarte"

- Nagbalik sa pag-aaral ang social media influencer na si Sachzna Laparan habang hawak ang school ID sa kanyang Instagram post

- Kinuha niya ang kursong Bachelor of Science in Operations Management sa Philippine Christian University

- Maraming followers ang bumati at nagpahayag ng suporta sa kanyang bagong journey bilang estudyante

- Sinabi ni Sachzna na nais niyang pagsamahin ang diploma at diskarte sa kanyang buhay

Ipinahayag ni Sachzna Laparan, isang kilalang social media influencer at entrepreneur, ang kanyang pagbabalik sa pag-aaral sa kabila ng kanyang abalang buhay bilang CEO, actress, at performer.

Sa isang Facebook post, ipinakita niya ang kanyang school ID mula sa Philippine Christian University kung saan siya ay nag-enroll sa kursong Bachelor of Science in Operations Management. Aniya, determinado siyang makapagtapos ng pag-aaral kahit ano pa man ang mangyari at binigyang-diin na gusto niyang pagsamahin ang diploma at diskarte sa kanyang buhay.

Read also

Ai-ai Delas Alas, may emosyonal na mensahe matapos sorpresahin ng mga anak

Ayon kay Sachzna, hindi hadlang ang pagiging busy upang makabalik sa pag-aaral, at layunin niyang magtagumpay hindi lamang sa kanyang karera kundi pati na rin sa larangan ng edukasyon. Maraming netizens ang natuwa sa kanyang desisyon, at kanya-kanyang pagbati ang inihayag ng kanyang mga followers.

Isa sa mga tagahanga niya ang nagsabi na deserve ni Sachzna ang kanyang desisyon at nag-iwan pa ng mensaheng magbibigay daw ang Panginoon at pamilya ng lakas para magpatuloy siya sa kanyang pag-aaral. Samantala, isang follower naman ang nagpahayag na nakakainspire ang hakbang na ginawa ni Sachzna at umaasa itong makakabalik din sa pag-aaral balang araw.

Patuloy na ipinapakita ni Sachzna na hindi hadlang ang kasikatan upang abutin ang personal na pangarap na magkaroon ng diploma. Sa kabila ng lahat ng kanyang nakamit na tagumpay sa industriya ng social media at negosyo, pinatunayan niya na ang edukasyon ay mahalaga pa rin upang mas mapalawak ang kanyang kaalaman at oportunidad sa buhay.

Read also

Alexa Ilacad, pinagsasabihan ang mga fans ni Fyang Smith sa kanyang live

Si Sachzna Laparan ay isang actress, model at social media influencer. Siya ay isa sa kilalang mga vlogger sa bansa na may mahigit dalawang milyong subscribers. Ilan sa mga pelikulang kanyang kinabilangan ay Love Life (2019), Happy Breakup (2017) and Nothing But the Bests! (2017).

Matatandaang nagsalita na si Jomar Lovena kaugnay sa issue ng sagutan nina Sachzna at Veybillyn Gorens. Nilinaw ni Jomar na walang namamagitan sa kanila ni Sachzna at lahat ng kanilang ginagawa ay para lang sa content.d sa aniya'y mga taong nasaktan at nagalit dahil sa nangyari.

Samantala, ayon kay Sachzna binura na lamang niya ang kanyang 'patol moments'. Ito ay matapos sabihan siya ng kanyang ina na burahin na daw ang mga ito at idaan na lang daw sa pagsampa ng kaso.

Source: KAMI.com.gh