Sylvia Sanchez, excited na sa pagdating ng unang apo: "Anytime na eh"

- Ibinahagi ni Sylvia Sanchez ang kanyang kasiyahan dahil malapit nang manganak ang anak niyang si Ria Atayde

- Ayon kay Sylvia, araw-araw niyang tinatanong si Ria kung malapit nang lumabas ang kanyang apo

- Magbibigay si Sylvia ng sapatos na binili niya sa France bilang regalo sa kanyang unang apo

- Noong Hunyo, inanunsyo ni Ria ang kanyang pagbubuntis at noong Hulyo, nagsagawa sila ng gender reveal party na nagpakita na magiging baby boy ang kanilang anak

Ipinahayag ni Sylvia Sanchez ang kanyang kasiyahan habang ibinabahagi ang balita na malapit nang manganak ang kanyang anak na si Ria Atayde. Sa isang panayam na binahagi sa YouTube channel ni DONDON SERMINO, sinabi ni Sylvia na araw-araw niyang tinatanong si Ria, "Buntis, lalabas na ba ang little boss ko?” Sinabi niya na tinutukso siya ni Ria na magpahinga at maghintay dahil malapit na ang panganganak.

Read also

SB19 Stell at Pablo sinagot isyu ng pagpaparetoke: 'Di ba obvious?'

Ayon kay Sylvia, masaya siya na handa na si Ria sa paparating na pagsilang at nasisiyahan siya sa pag-aalaga ni Zanjoe Marudo, ang partner ni Ria. "Excited 'yung dalawa. Happy ako pag nakikita ko sila. Sobrang alaga siya ni Zanjoe. Nakikita ko 'yung pagmamahal ni Z sobra kay Ria, kaya happy na ako," pahayag ng aktres.

Dagdag pa ni Sylvia, magbibigay siya ng sapatos na binili niya sa France bilang regalo sa kanyang unang apo. "Meron akong binili na sapatos sa Cannes, three years ago. Dalawa, kasi maganda siya. Kung sino 'yung una kong magiging apo, pagbili ko sabi ko ‘ay wala pa akong apo’. Pero nung nakita ko, ang ganda, wala sa Pilipinas. Pero sige bibilhin kita. Mapupunta ito sa una kong apo," ibinahagi niya.

Read also

Darryl Yap, may banat sa isyu nina Chloe at Sophia: "Ano ba gusto niya? Treasurer?"

Si Sylvia Sanchez ay isang kilalang aktres sa Pilipinas na sumikat sa industriya ng showbiz mula dekada '80 hanggang kasalukuyan. Ilan sa kaniyang mga kilalang proyekto sa telebisyon ay ang "Be Careful With My Heart," "The Greatest Love," at "Nang Ngumiti Ang Langit." Bukod sa kaniyang pagiging aktres, kilala rin siya na ina nina Arjo Atayde at Ria Atayde.

Matatandaang naibahagi ni Sylvia na nawalan siya ng hikaw nang magpunta sila sa Japan. Sa ulat ni Salve Asis ng Philstar.com, naibahagi niyang 10 carat diamond earring ang kanyang nawala. Gayunpaman, naibalik ito sa kanya nang tawagan niya ang hotel kung saan sila nag-check in kaya laking pasalamat niya. Ayon din sa ulat, nagkakahalaga daw ng 18M ang 10 carat diamond earring.

Ibinida naman ni Sylvia ang mga sweet na videos at pictures ng mag-asawang Arjo Atayde at Maine sa kanyang post. Kasama si Sylvia sa pagbabakasyon ng mag-asawa at masaya daw siyang makitang masaya ang dalawa. Inihayag din niya ang kanyang kaligayahan na magkaroon ng magandang relasyon sa kanyang daughter-in-law. Ito umano ang hiling nila para sa mga anak na makapag-asawa ng mga mababait na tao.

Read also

Doc Willie Ong, binahagi ang positibong naidulot ng pagkakasakit niya

Source: KAMI.com.gh