Marian Rivera, may pasilip sa isang TikTok video na ilalabas: "Challenge accepted"

- Marami ang na-excite sa post ni Marian Rivera sa TikTok kung saan ginamit niyang audio ang 'Marimar'

- Sa caption ng kanyang post ay tila pinahiwatig ni Marian na pagbibigyan niya na ang hiling ng kanyang mga fans na gumawa siya ng dance cover ng naturang sayaw

- Matatandaang simula nang magbahagi si Marian ng mga dance cover ay marami na ang humihiling sa kanya nito

- Isa sa pinakatumatak na pagganap ni Marian sa serye ay sa Filipino Adaptation ng Mexican teleserye na 'Marima'

Ang sikat na aktres at influencer na si Marian Rivera ay nagbigay ng pasilip sa kanyang susunod na ilalabas na TikTok video. Nagdulot ito ng excitement sa kanyang mga tagahanga.

Sa kanyang pinost na TikTok video, ginamit ni Marian ang kantang Marimar. Ang kanyang post ay nagpakita ng kanyang pagtanggap sa isang hamon, kasabay ang caption na "Challenge accepted," na tila pinapahiwatig na maglalabas siya ng dance cover batay sa hiling ng kanyang mga tagahanga.

Read also

Alex Gonzaga, sumabak sa Asoka Makeup Trend na may twist ng katatawanan

Matagal nang hiniling ng mga tagahanga ni Marian ang Marimar dance cover mula sa kanya, at tila ngayon ay pagbibigyan niya sila. Ang aktres ay kilala na rin sa kanyang mga dance cover, na palaging nagbibigay ng kasiyahan at inspirasyon sa kanyang mga tagasubaybay.

Nagkaroon ng malaking suporta mula sa publiko ang mga pagganap ni Marian sa Filipino adaptation ng sikat na Mexican teleserye na 'Marimar'. Ang kanyang pagganap bilang Marimar ay nag-iwan ng marka sa puso ng maraming manonood, at nagbigay daan sa kanya upang maging isang kilalang personalidad sa industriya ng showbiz.

Si Marian Rivera ay ang isa sa mga pinaka sikat na artista sa Kapuso network. Naging bida siya sa Kapuso shows na “Darna” at “Marimar." Kinasal siya sa aktor na si Dingdong Dantes noong December 30, 2014. Ipinanganak ang panganay na anak na si Zia noong November 23, 2015 at April 16, 2019 niya pinanganak ang pangalawang anak na si Ziggy.

Read also

Jackie Forster, ibinida ang husay sa pagkanta ng anak na si Caleigh

Kamakailan ay nag-post si Buboy Villar ng picture nila ni Marian nang magkasama sila sa isang event ng skin care company. Marami sa mga netizens ang nagkomento na naalala nila ang kanilang pagsasama noon sa seryeng "Darna". Matatandaang naibahagi ni Buboy na mula sa pagiging mag-ate ay magkumare na umano sila ni Marian. Matatandaang una silang nagkasama sa teleseryeng “Dyesebel" na aniya ay naging simula ng kanyang career bilang si Buboy.

Naiyak naman si Zeinab Harake nang makita at makasama ang idolo niyang si Marian. Mismong si Marian pa ang nagpalapit kay Zeinab na maluha-luha namang lumapit sa kanya. Ani Zeinab, si Marian talaga ang idolo niya at maging ang ilang gawi nito ay talagang ginagaya niya. Bago pa man ilabas ni Zeinab ang kanilang video, una nang nag-viral ang larawan ni Zeinab kasama sina Marian at mister nitong si Dingdong Dantes.

Source: KAMI.com.gh