Dennis Padilla sa mga ex: "Gusto kong humingi ng kapatawaran"

- Nagbigay si Dennis Padilla ng mensahe sa tatlong babae na naging bahagi ng buhay niya at ina ng kanyang mga anak

- Hindi niya daw makukumpara ang mga ito sa isa't-isa dahil iba't-ibang yugto ng buhay niya nang mahalin niya ang mga ito

- Inihayag niya ang kanyang pagpapakumbaba at paghingi ng tawad sa mga pagkukulang na nagawa niya sa kanila

- Sa pamamagitan ng simpleng ngunit may puso na mensahe, binigyang-diin ni Dennis ang kahalagahan ng mga babaeng ito bilang mga mabubuting ina sa kanilang mga anak

Sa pag-guest ni Dennis Padilla sa "TikTalk with Aster Amoyo," nagbigay siya ng mensahe sa tatlong babaeng naging bahagi ng kanyang buhay at mga ina ng kanyang mga anak.

Ipinahayag niya ang kanyang pagpapakumbaba at paghingi ng tawad sa mga pagkukulang na nagawa niya sa kanila.

Binigyang-diin ni Dennis ang kahalagahan ng mga babaeng ito bilang mga mabubuting ina sa kanilang mga anak.

Read also

Dennis Padilla, binalikan ang masasayang alaala niya sa mga anak

Humihingi ng tawad si Dennis para sa anumang pagkukulang na nagawa niya sa mga ito.

Higit pa rito, ipinahayag ni Dennis ang kanyang mga dasal at mga hangarin para sa mga babaeng ito. Nagtitiwala siya na habang sila ay patuloy na pinagpapala at pinagkakalooban ng mga biyaya, ang kanilang mga anak ay hindi rin mawawalan ng biyaya sa kanilang mga buhay.

"All of you became good mothers to our children. Gusto kong humingi ng apology at kapatawaran kung anuman yung mga pagkukulang na nagawa ko sa inyo and sana lalo pa kayong ma-bless sa mga kanya-kanyang buhay niyo dahil alam ko na habang nabi-bless kayo pati yung mga anak natin mabi-bless din."

Si Dennis Padilla o Dennis Esteban Dominguez Baldivia ay isang Filipino comedian, TV host, radio broadcaster at aktor. Anak siya ni Dencio Padilla, at siya ang ama ni Julia Barretto. Nagsilbi siya bilang konsehal ng Caloocan City noong 2001.

Read also

Brenda Mage sa kanyang bashers: "Ang daming galit sa ganda ko. Balakayojan"

Matatandaang muling naging usap-usapan ang mag-aama matapos mag-post ni Dennis Padilla ng mensahe niya para sa tatlong anak na sina Julia, Claudia at Leon Barretto. Sinabi niya sa mga ito na nakalimutan siyang batiin ng mga anak noong Father's Day. Agad din niyang binura ang kanyang post ngunit marami na ang nakakita nito. Kinalaunan ay sumagot si Leon sa pamamagitan ng isang open letter. Pinaliwanag niya ang knyang saloobin at dahilan kung bakit hindi niya nagawang batiin ang ama. Naitanong niya rin dito kung bakit kinakailangang pahiyain ni Dennis ang anak sa publiko.

Samatala, isang sulat ang binahagi ni Dennis kung saan nilabas niya ang saloobin tungkol sa kanyang pagiging ama. Aminado siyang pinagsisihan niya ang mga maling bagay na kanyang nagawa sa kanyang buhay. Aniya, hindi man siya nakasama ng mga anak ngunit hindi nawala sa kanyang puso ang pagmamahal niya para sa mga anak. Kung may isang kahilingan umano siya, ito ay ang makasama niya ang kanyang mga anak.

Source: KAMI.com.gh