Gladys Guevarra, binahagi ang isang video clip na kuha sa kasal nila ng mister

- Binahagi ni Gladys Guevarra ang isang video clip na kuha sa kanyang pagpapakasal na kanyang isinapubliko kamakailan

- Sa kanyang Facebook reel ay pinakita niya ang isang bahagi ng kanilang kasal kung saan makikita ang mukha ng kanyang asawa

- Matatandaang sa mga naunang post niya ay tinawag niya ito sa initials na AD

- Marami naman ang bumati kay Gladys at naniniwalang deserve niya ang maging masaya

Pinakita ni Gladys Guevarra ang isang video clip ng kanyang kasal kamakailan. Matatandaang sa mga naunang post niya ay tinawag niya ito sa initials na AD.

Matatandaang sa isang live video ay sinabi niyang sana ay maunawaan ng publiko ang kanyang desisyon na huwag nang isapubliko ang kanyang asawa. Hindi din daw gusto ng asawa niya na ipakita siya dahil pribado itong tao.

Read also

LJ Reyes, inihayag ang saloobin sa pagpapakasal: "The happiest I have ever been"

Nabanggit niya ang kanyang kasiyahan na sa kabila ng mga pinagdaanan niyang masakit ay binigyan siya ng Panginoon ng taong magmamahal sa kanya.

Marami naman ang bumati kay Gladys. Narito ang ilang komento ng netizens:

Congratulations! I'm so happy for you! You deserve the love and happiness.

God bless you.. you deserve to be loved and taken care of.. start the happy memories now.

Wag mo na pansinin mga bashers Ms. Gladys smile lang po and be happy ❤️ Congratulations po!

Si Gladys Guevarra ay isa sa mga kilalang komedyante at voice impersonator sa bansa. Siya ay naging lead vocalist ng bandang Gladys and the Boxers with K. Kabilang sa kanilang pinasikat na awitin ay ang Sasakyan Kita. Nakilala din siya sa kanyang paggaya ng boses nina Annabelle Rama at ng yumaong komedyanteng si Mahal.

Read also

Pastor Dimver Andales, balak na kasuhan ang nagpapakalat ng 'rumors' sa kanya

Matatandaang Mayo ng taong 2021 nang ikasal sina Gladys at ang non-showbiz niyang karelasyon na si Mike Navarrete. Mismong si Gladys ang nagbahagi nito sa kanyang social media page. Marami naman sa kasamahan niya sa industriya ang naghayag ng kanilang kasiyahan para kay Gladys. Kabilang sina Marian Rivera, Ruby Rodriguez at Jaya sa mga bumati sa kanya.

Nag-post si Gladys ng mensahe tungkol sa bagong pag-ibig niya at pasasalamat sa Panginoon. Sa kanyang Facebook post ay nakadamit pangkasal siya ngunit wala na itong ibang pictures na binahagi. Sa naturang post ay pinagpasalamat ni Gladys na may tao itong inilaan para sa kanya sa kabila ng kanyang mga pinagdaanan. Hindi din nito pinangalanan ang taong tinutukoy niya pero tinawag niya ito bilang AD.

Source: KAMI.com.gh