Vice Ganda, binahagi ang video nila ng mga kaibigan kung saan nahulog sila sa swing

- Sa isang vlog ni Vice Ganda kung saan nakasama niya ang mga kaibigan sa bakasyon sa Bohol, kinaaliwan ang kulitan nilang magkakaibigan

- Makikita sa isang bahagi ng naturang vlog ang pagsakay nina Vice kasama ang mga kaibigang sina Tonton at MC sa hanging bed

- Biglang naputol ang isang bahagi ng tali ng duyan kaya nahulog silang tatlo sa buhangin sa tabing dagat

- Nang makatayo ay tawang-tawa sila habang napatanong naman si Vice kung magkano ang babayaran nila sa kanilang nasira

Binahagi ni Vice Ganda ang isang bahagi ng kanyang vlog kung saan makikitang nakasakay sila ng kanyang mga kaibigan sa hanging bed na malapit sa dagat. Biglang naputol ang isang bahagi ng tali ng duyan kaya nahulog silang tatlo sa buhangin.

Tawang-tawa ang magkakaibigan habang tinutulungan sila na makatayo mula sa kanilang pagkahulog. Nang tanungin si Vice kung okay lang daw ba sila, agad nitong sinagot na ayos lang sila pero napatanong ito kung magkano ang kanilang babayaran.

Read also

Rica Peralejo, titigil muna sa pag-jump rope dahil sa pagkakaroon ng sciatica

Si Vice Ganda ay isang aktor, TV host at komedyante na bumida na sa maraming pelikula kagaya ng Sisterakas, Praybeyt Benjamin, at Revenger’s Squad na talaga namang kumita sa takilya. Isa rin siya sa mga hosts ng noon time show na It's Showtime. Bukod sa kanyang pag-aartista, siya rin ay nagmamay-ari ng beauty products na Vice Cosmetics. Nakapagtanghal na rin siya sa iba't-ibang bahagi ng mundo sa pamamagitan ng kanyang pagpapatawa.

Kinaaliwan ang video ni Vice Ganda na kanyang binahagi sa kanyang YouTube channel. Makikita sa kanyang bagong video ang nakakaaliw na reaksiyon ng kanyang mga co-host. Hinamon niya ang mga ito sa challenge niya gamit ang laruang bad dog na aniya ay natanggap niya bilang regalo. May alok din siyang premyo sa makakagawa ng kanyang challenge sa loob lamang ng takdang oras na binigay niya.

Naghayag naman si Vice Ganda ng kanyang pagka-miss kay Ion na sa kasalukuyan ay hindi niya kasama sa kanyang bakasyon. Base sa kanilang mga social media post, kasalukuyang nasa Japan si Ion samantalang kasama naman ni Vice ang ilang kaibigan at pamilya niya. Sa kabila ng pang-iintriga sa kanilang relasyon, nagbahagi ng mensahe si Vice kay Ion na na-mi-miss na niyaumano ito. Nauna na ring umalma si Ion at nagsalita laban sa taong aniya ay wala nang boses pero wala pa ring magandang salitang lumalabas sa bibig.

Source: KAMI.com.gh