Susi ng motor ng delivery rider, bigla na lang kinuha ng nakaalitang customer

Friday, April 16, 2021 at 7:24 PM by Marisse Gulferica

- Viral ngayon nag video kung saan makikita kung paano hinablot ng customer ang susi ng motor ng delivery rider

- Bagaman at may kalayuan ang kuha, maririnig na ang paninigaw ng babae sa rider

- Sinasabing tila may kulang sa nai-deliver nito at tila ito na ang ikalawang beses na nagkakaroon ng problema sa delivery sa customer

- Ayon pa sa customer humingi na siya ng paumanhin sa rider subalit ito pa umano ang nagagalit sa kanya

Isa na namang kaganapan ang nakunan ng video sa pagitan ng isang delivery rider at customer nito.

Sa umpisa ng video maririnig ang babaeng customer na sumisigaw at sinasabing humihingi na siya ng paumanhin sa rider na nagagalit pa umano sa kanya.

Bagaman at may kalayuan ang kuha ng video, makikita rin ang isa pang lalaking customer na lumapit na rin sa delivery rider.

Read also

Batang tila naglalambing pa sa inang pumanaw na, umantig sa puso ng netizens

Patuloy pa rin sa pagsigaw ang babae gayundin ng kasama nitong lalaking cutomer na iginigiit na nagagalit sa kanila umano ang rider.

Paliwanag pa ng babae, kulang na rin daw kasi ang naunang nai-deliver sa kanya.

Maya-maya pa, makikitang lumapit na sa motor ng rider ang lalaking customer na pilit na kinukuha ang susi ng motorsiklo nito.

Bukod dito, napansin din ng kumukuha ng video na pati rin ang ID ng rider ay kinuha ng lalaking customer.

Hindi na naipakita pa sa video kung naibigay muli ang mga kinuhang gamit ng rider.

Narito ang kabuuan ng video na naibahagi rin ng Anything Viral: