Bata, pumanaw matapos mabagsakan ng nabubulok na punong buri sa Mandaue City

- Isang anim na taong gulang na bata ang namatay matapos mabagsakan ng nabubulok na punong buri sa Mandaue City

- Nasa pangangalaga siya ng kanyang lolo at naglalaro sa gilid ng kalsada nang biglang bumagsak ang puno

- Matagal nang inirereklamo ng pamilya ang puno at may naipadalang liham sa CDRRMO noon pang Nobyembre 2024

- Sinisiyasat na ng mga awtoridad ang insidente at tiniyak ng pamahalaang lungsod na mananagot ang sinumang nagkulang sa pagtugon

Isang anim na taong gulang na bata ang nasawi matapos mabagsakan ng isang nabubulok na punong buri sa Barangay Ibabao, Estancia, Mandaue City.

Kinilala ang biktima bilang si Christian Quilaton Jr., na nasa pangangalaga ng kanyang lolo habang ang kanyang mga magulang ay nasa trabaho. Ayon sa ulat, naglalaro ang bata sa gilid ng kalsada nang biglang bumagsak ang lumang puno at naipit siya sa ilalim ng mabigat nitong katawan.

Ayon kay Jebiltar Quilaton, lolo ng bata, saglit lang umano siyang tumalikod ngunit nang bumalik siya ay nakita niyang nakadagan na ang puno sa kanyang apo.

Read also

Esnyr, emosyonal na ibinahagi ang hirap bilang breadwinner sa PBB

“Mao nay sakit kaayo nako kay akoy nagbantay unya wala jud ko katabang,” malungkot na pahayag ni Jebiltar.

Sa kasalukuyan, nakaburol si Christian sa Zone Ahos, Barangay Paknaan, Mandaue City.

Ang bata, na bunso sa tatlong magkakapatid, ay labis na minahal ng kanyang pamilya. Ayon sa kanyang ina na si Gebe Quilaton, na nagtatrabaho sa Mactan Export Processing Zone (MEPZ) sa Lapu-Lapu City, hindi niya lubos maisip ang sinapit ng kanyang anak nang matanggap ang balita tungkol sa trahedya.

“Gi-contact ko sa manghud sa akong bana, mura kog naglutaw sa hangin,” emosyonal na paglalarawan ni Gebe sa kanyang matinding pagdadalamhati.

Una niyang inakalang minor injuries lamang ang tinamo ng anak, ngunit nang dumating siya sa Mandaue District Hospital, napag-alaman niyang walang sugat o pasa sa katawan nito—tanging sa ulo lamang natamo ang matinding pinsala na naging sanhi ng kanyang pagpanaw.

Ayon kay Jebiltar, matagal na nilang inaalala ang puno dahil ito ay nakatagilid na at unti-unting nabubulok. Noong Nobyembre 2024, nagsumite umano ang kanyang pamangkin ng kahilingan sa City Disaster Risk Reduction and Management Office (CDRRMO) upang ipatanggal ang puno, ngunit wala umanong naging aksyon.

Read also

Lolit Solis, naghayag ng pasasalamat sa kabila ng kanyang patuloy na dialysis

Sa nangyaring insidente, agad na nagpaabot ng pakikiramay si Mandaue City Administrator Jamaal James Calipayan sa pamilya ng bata at tiniyak na isasagawa ang isang masusing imbestigasyon.

Kasalukuyang sinisiyasat ng mga awtoridad kung tunay ngang naipasa ang kahilingan para sa pagtanggal ng puno at kung bakit hindi ito kaagad inaksiyunan. Nakikipag-ugnayan na rin ang mga opisyal ng lungsod sa iba’t ibang ahensya upang matukoy ang dahilan ng kapabayaan.

Binigyang-diin ni Calipayan na pananagutin ang sinumang mapapatunayang nagkulang sa kanilang tungkulin.

Ipinaliwanag din niya na alinsunod sa mga pamantayan sa kaligtasan, anumang istrukturang maaaring magdulot ng panganib ay kailangang agad na bigyang pansin, lalo na kung buhay at ari-arian ang nakasalalay.

Inatasan na rin ang legal office ng Mandaue City na repasuhin ang kaso upang matukoy ang mga naging pagkukulang sa proseso ng pagtugon. Susuriin din kung ang puno ay kasama sa mga napabilang sa hazard assessment ng lungsod.

“Among ikasaad jud sa hingtungdan sa pamilya nga naa gyuy mogawas ani nga kamatuoran as to who is responsible and we will be acting appropriately,” pagtatapos ni Calipayan.

Read also

Aira Lopez, bumwelta sa netizen na nagsabing mukha silang mag-ama ni Mark Leviste

Sa Pilipinas, hindi bihira ang mga insidenteng kinasasangkutan ng mga bata bilang biktima ng iba't ibang sakuna. Madalas, ang mga batang ito ay nadadamay sa mga aksidente sa kalsada, sunog, pagkalunod, at iba pang hindi inaasahang pangyayari. Ang kanilang pagiging masigla at mausisa ay naglalagay sa kanila sa panganib, lalo na kung walang sapat na gabay at pag-iingat mula sa mga nakatatanda.

Isang insidente ng pamamaril sa Bacolod City ang naiulat kung saan ang biktima ay nagmakaawa sa gunman na huwag siyang barilin dahil siya ay nag-aalaga ng bata. Sa kabila ng kanyang pakiusap, siya ay binaril pa rin, na nagdulot ng kanyang pagkamatay.

Isang anak ang nagbigay ng bagong sasakyan sa kanyang ama bilang kapalit ng kotse na naibenta noon upang matustusan ang kanyang pag-aaral. Ipinakita nito ang pagpapahalaga at pagmamahal ng anak sa sakripisyo ng kanyang ama.

Source: KAMI.com.gh