Jellie Aw: “Regalo ko na sa sarili ko yung nakalaya ako sa sitwasyong hindi ko deserved”

- Isiniwalat ni Jellie Aw ang pang-aabusong naranasan mula sa kanyang dating fiancé na si Jam Ignacio

- Nagpasya si Jellie na magsampa ng pormal na reklamo laban kay Jam matapos ang insidenteng “bugbugan” na naganap sa loob ng kotse

- Pinabulaanan ni Jellie ang tsismis na sila ay nagkabalikan at iginiit na hindi niya iuurong ang kaso laban kay Jam

- Nagbahagi si Jellie ng mga makahulugang post sa social media tungkol sa kalayaan at pag-detect ng kasinungalingan

Usap-usapan sa social media ang isyu sa pagitan nina Jellie at Jam. Isiniwalat ng DJ ang pang-aabusong naranasan mula sa kanyang fiancé. Naganap ang kanilang engagement noong Nobyembre ng nakaraang taon, ngunit bago pa man sumapit ang Araw ng mga Puso, nangyari umano ang insidenteng “bugbugan.”

Ayon sa ulat, naganap ang insidente sa loob ng kotse, kung saan binugbog umano ni Jam si Jellie dahil sa selos. Dahil dito, nagpasya ang DJ na magsampa ng pormal na reklamo laban sa dating fiancé.

Read also

Wowie De Guzman, nag-post ng sweet picture kasama ang sinasabing bagong karelasyon niya

Humingi ng tawad si Jam kay Jellie at umaasang magkakabalikan sila upang ituloy ang kanilang kasal. Gayunpaman, tumanggi si Jellie na sundin ang kagustuhan ni Jam.

Lumabas ang mga tsismis na nagkabalikan na umano sina Jellie Aw at Jam Ignacio, ngunit agad itong pinabulaanan ng disc jockey. Iginiit din ni Jellie na hindi niya iuurong ang kasong isinampa laban kay Jam.

Sa mga kamakailang social media post, nagbahagi si Jellie ng mensahe tungkol sa "freedom." Ayon sa kanyang Instagram story, "Regalo ko na sa sarili ko yung nakalaya ako sa sitwasyong hindi ko deserved."

Sinundan pa ito ng isa pang makahulugang post na nagsasabing, "You’ve got a masters in lying but I’ve got a PhD in detecting bullsh!t."

Si Jam Ignacio ay dating karelasyon ni Queen Mother Karla Estrada. Hindi nagsalita si Karla tungkol sa kanilang paghihiwalay. Bago pa man mangyari ang insidente, nagbahagi si Jellie ng isang post kung saan binanggit niya ang Queen Mother na umano'y nakikialam sa kanyang trabaho. Matapos ang kontrobersyal na insidente, nagbahagi si Karla ng mga intriguing na TikTok posts na umani ng espekulasyon na ito ay patungkol kay Jellie.

Read also

Bride sa ‘Fake Wedding’ at inakusahang nanggayuma, nagsalita na: Pinili umano siya ng Groom

Si DJ Jellie Aw ay isang Pilipinang disc jockey, mananayaw, mang-aawit, at vlogger na kilala sa kanyang masiglang presensya sa industriya ng entertainment. Nakamit niya ang malaking kasikatan sa mga social media platform, partikular sa TikTok, kung saan ibinabahagi niya ang kanyang mga performance at lifestyle content. Sa TikTok, mayroon siyang mahigit 238,900 followers at 704,100 likes.

Sinagot ni Jellie Aw ang mga pang-iintriga tungkol sa kanyang ilong at itinanggi ang alegasyong niretoke ito. Matatandaang nagpahayag si Jam Ignacio ng pagnanais na makipag-ayos kay Jellie Aw ngunit hindi ito nagustuhan ng kapatid niyang si Jo Aw. Kamakailan ay naglabas si Jellie ng mga larawan kung saan makikita ang gumaling na niyang mga pasa at naayos na rin ang kanyang ngipin. Matatandaang nagtungo si Jellie sa ospital para ipagamot ang kanyang tinamong pinsala at nagsampa ng pormal na reklamo laban kay Ignacio.

Patuloy ang pagsabog ng kontrobersiya sa pagitan ng DJ at social media influencer na si Jellie Aw at ng kanyang dating fiancé na si Jam Ignacio matapos ibahagi ni Jellie ang screenshot ng mensahe ng huli. Sa naturang mensahe, mariing itinanggi ni Jam ang mga akusasyong ibinabato sa kanya at nagmakaawang pag-usapan ang kanilang relasyon.

Source: KAMI.com.gh