Nanay, pinalayas sa sariling bahay at pinandidirihan daw ng anak niya

- Hindi napigilang maiyak ni Luz Serdeña habang nagbabahagi ng kanyang sama ng loob sa programa ni Sen. Raffy Tulfo

- Aniya, ayaw niya nang bumalik sa bahay niya dahil inaangkin daw ng isang anak niya ang bahay

- Ayon kay Nanay, nagalit ang asawa niya nang sabihan niyang umalis siya sa bahay nila at ibang anak na lang niya ang mag-aalaga sa kanya

- Kaya niya pinapaalis ang anak at ang asawa nito dahil sinabihan daw siyang dapat daw mga anak niya mag-alaga sa kanya at dapat daw mahiya siya

Hindi napigilan ni Luz Serdeña ang mapaiyak habang ibinabahagi ang kanyang sama ng loob sa programa ni Sen. Raffy Tulfo. Ayon kay Luz, hindi na niya nais pang bumalik sa sarili niyang bahay dahil inaangkin ito ng isa sa kanyang mga anak.

Ikinuwento ni Nanay Luz na nagalit ang kanyang asawa nang sabihan niya itong umalis na sa kanilang bahay at sa ibang anak na lamang magpaalaga. Dahil dito, pinapaalis ni Luz ang anak at asawa nito, matapos siyang pagsabihan na ang mga anak niya dapat ang mag-aalaga sa kanya at dapat mahiya siya sa kanilang sitwasyon.

Read also

Ex ni Xian Gaza, nakiusap na huwag na siyang tanungin; nabahala sa kaligtasan nya

Ayon pa kay Nanay Luz, nagalit ang asawa ng kanyang anak nang sabihan niyang umalis sila sa bahay, at agad siyang sinumbong sa anak nila. Dagdag pa niya, pinukpok ng asawa ng kanyang anak ang kanyang kamay.

Sa ngayon, nasa pangangalaga siya ng isa pa niyang anak matapos siyang umalis sa sariling bahay. Samantala, ayon sa isang anak ni Luz, umalis sila sa bahay ng ina dahil madalas nitong nakakaaway ang kapatid nilang si Noel.

Si Rafael "Raffy" Teshiba Tulfo ay isang kilalang broadcast journalist at politiko sa Pilipinas. Nakilala siya sa kanyang programang "Raffy Tulfo in Action," kung saan tinutulungan niya ang mga ordinaryong mamamayan na may mga reklamo laban sa pang-aabuso at kawalang-katarungan. Noong 2022, nahalal siya bilang senador at itinataguyod ang mga batas na proteksyon para sa mga manggagawa at iba pang sektor.

Read also

Xian Gaza, binahagi ang kagandahan ng pagiging single

Matatandaang dumulog si Cherry White sa programa ni Sen. Raffy Tulfo. Ito ay para ireklamo si Boy Tapang kaugnay sa aniya'y paninira nito sa kanya sa kanyang live video sa social media.

Binahagi naman ni Madam Inutz ang picture niya kasama si Senator Raffy sa kanyang Facebook post. Kalakip ng kanyang binahaging picture ay ang mensahe niya sa hindi pinapangalanang tao.

Source: KAMI.com.gh