Gov. Daniel Fernando, nagsalita sa isyu kay Kim Rodriguez

• Gov. Daniel Fernando diretsahang itinanggi ang umano’y relasyon nila ng aktres na si Kim Rodriguez
• Sa panayam ni Susan Enriquez, sinabi ng gobernador na hindi naging girlfriend si Kim at ginamit lang ang kanilang litrato sa politika
• Lumabas ang mga larawan nila noong 2025 na nagdulot ng intriga, ngunit iginiit ni Fernando na kaibigan lamang ang aktres
• Dinenay din ng gobernador ang tsismis na binigyan niya si Kim ng P1 million at luxury car

Hindi na nakapagtimpi si Bulacan Governor Daniel Fernando at nagsalita na tungkol sa matagal nang isyu na inuugnay siya sa aktres na si Kim Rodriguez. Sa panayam ng Kay Susan Tayo Vlogs hosted by Susan Enriquez, diretsahang tinanong ang gobernador kung ano ba talaga ang namamagitan sa kanila ng aktres.

“Kakilala mo siya?” tanong ni Susan. Sagot ni Daniel, “Eh, siyempre, artista eh.” Nang tanungin pa kung sa personal, sagot niya, “Nakilala ko po siya.”

Read also

“Hindi ko nakikita ang future” – Robin Padilla, may planong umalis ng bansa

Ngunit nang usisain kung naging girlfriend ba niya si Kim, mabilis ang tugon ng gobernador: “Hindi po.” Dagdag pa niya, hindi rin sila nagkaroon ng mutual understanding. Sa halip, tinawag niyang “female friend” si Kim Rodriguez, bagay na ikinatawa rin ni Susan Enriquez.

Ayon kay Fernando, ginamit lamang ng kanyang mga kalaban sa politika ang mga lumabas na litrato nila ni Kim noong Mayo 2025. Sa mga larawan, makikita si Kim na may hawak na bouquet of flowers habang nakaakbay sa kanya ang gobernador, at sa likuran ay isang dilaw na luxury car. Dahil dito, agad na kumalat ang intriga na may relasyon umano sila.

Sa social media, lalo na sa TikTok, umani ng malilisyosong komento ang aktres. Ngunit hindi ito pinatulan ni Kim at sa halip ay nagbigay ng maikling sagot sa isang netizen: “Pikit.”

Sa parehong panayam, dinepensahan din ni Gov. Daniel si Kim laban sa mga tsismis na nakatatanggap umano ng P1 million mula sa kanya at nabigyan pa ng luxury car. Mariin niyang itinanggi ang mga akusasyon at iginiit na walang katotohanan ang mga ito.

Si Daniel Fernando ay kilala hindi lamang bilang gobernador ng Bulacan kundi bilang isang aktor na matagal nang nasa industriya ng showbiz. Naging bahagi siya ng maraming pelikula at teleserye bago pumasok sa politika. Samantala, si Kim Rodriguez ay isang aktres na nakilala sa mga teleserye ng GMA Network at patuloy na aktibo sa social media kung saan malakas ang kanyang fanbase.:

Read also

Edu Manzano, masaya sa bagong yugto ng buhay at career

Sa artikulong Rep. Dan Fernandez tinanong si Cassandra Ong kung saan ito nagpa-salon, naging usapan ang simpleng tanong ng kongresista kay Cassandra Ong tungkol sa kanyang salon visit. Nagdulot ito ng iba’t ibang reaksyon mula sa netizens na nakakita ng pagiging prangka ng mambabatas.

Sa isa pang ulat, Cristy Fermin nausisa si Dan Fernandez ukol sa maugong na naging ugnayan umano nito kay Ivana Alawi, naging sentro ng usapan ang umano’y pagkaka-link ng aktor-politiko kay Ivana Alawi. Bagama’t walang kumpirmasyon, naging mainit ang diskusyon sa social media at sa mga programa ni Cristy Fermin.

Sa ganitong paraan, makikita na hindi lamang si Gov. Daniel Fernando ang nasasangkot sa mga intriga ng showbiz at politika, kundi maging ang iba pang personalidad gaya nina Rep. Dan Fernandez at Ivana Alawi.

Source: KAMI.com.gh