Zara Lopez, may cryptic post; Simon Javier, humugot tungkol sa anak nila

-Muling naging sentro ng social media ang dating mag-partner na sina Simon Javier at Zara Lopez matapos ang emosyonal na post ng lalaki tungkol sa anak nila

-Inilahad ni Simon ang kanyang pagkabigo dahil umano’y muli siyang na-block ni Zara at nawalan ng koneksyon sa kanilang anak

-Nagpahayag si Zara ng kanyang panig sa pamamagitan ng isang matapang na post kung saan sinabi niyang kailangan niyang protektahan ang kanyang “peace”

-Sa kabila ng kanilang hindi pagkakaintindihan, kapwa nagpahayag ng respeto para sa isa’t isa bilang magulang

Muling naging laman ng social media ang dating magkasintahan na sina Simon Javier, isang 25-anyos na TikTok content creator, at si Zara Lopez, dating Viva Hot Babe, matapos ang tila muling pagputok ng kanilang co-parenting conflict. Nitong Mayo 17, 2025, naglabas ng mahabang post si Simon sa Facebook kung saan emosyonal niyang ibinahagi ang kanyang pagkadismaya at pangungulila sa kanilang anak.

Ayon kay Simon, matapos ang kanilang hiwalayan noong Enero 2024, nakaranas siya ng halos dalawang buwang pagka-cut off mula sa anak. “She blocked me so I had no way to communicate with my baby,” aniya. Nagkaroon daw sila ng rekonsilyasyon bilang magkaibigan at co-parents, ngunit hindi raw ito nagtagal. Sa kanyang salaysay, muli na naman daw siyang na-block ni Zara, na siyang dahilan kung bakit hindi niya makausap o makita ang anak.

“Now that we are not okay again, she blocked me and I feel like she doesn’t want to show baby again,” dagdag niya. Sa kabila ng lahat, inamin ni Simon ang kanyang mga pagkukulang at nagpahayag ng pagmamahal hindi lang sa anak kundi pati sa ina nito. “I respect her decision and I’ll give her the space she needs... I really tried my best for them but I guess it’s never enough.”

Samantala, tila may pasaring na sagot si Zara sa pamamagitan ng kanyang sariling post: “I BLOCKED YOU dahil binigyan mo ko ng REASON! I need to PROTECT MY PEACE... There’s always two sides of every story.” Ayon pa sa kanya, maglalabas siya ng mas detalyadong pahayag para maipaliwanag ang kanyang panig at pagkatapos ay mananahimik na lamang para sa kapakanan ng kanyang mga anak.

Si Zara Lopez ay isang dating miyembro ng Viva Hot Babes, na bumida sa maraming music videos at pelikula noong 2000s. Muli siyang napansin ng publiko matapos magbalik sa social media at makilala ang mas batang TikTok star na si Simon Javier. Ang kanilang tambalan ay nagtamo ng pansin online, lalo na nang isapubliko nila ang kanilang relasyon at pagdating ng kanilang anak noong 2023.

Samantala, si Simon Javier ay isa sa mga fast-rising male content creators sa TikTok, kilala sa kanyang mga skits, challenges, at masayang family content kasama si Zara noon. Sa kabila ng kanilang hiwalayan, pareho nilang pinilit na maging mabuting magulang sa kanilang anak, hanggang sa sumiklab muli ang isyu tungkol sa access ni Simon sa kanyang anak.

Sa isang balita ng Kami noong Mayo 18, ibinahagi ni Simon ang kanyang saloobin tungkol sa pagiging ama at mga balakid sa co-parenting. Tinawag niya ang pagiging ama bilang kanyang "greatest achievement" at ipinahayag ang pagnanais na makabuo ng maayos na setup para sa kanilang anak.

Isang throwback TikTok video ng original Viva Hot Babes members ang muling nagpasiklab ng kilig at saya sa netizens. Kabilang sa video si Zara Lopez, na tinawag ng mga fans na “ageless beauty” habang muling sumayaw sa kanilang iconic moves.

Source: KAMI.com.gh