Priscilla Meirelles, nilinaw ang estado ng relasyon nila ni John Estrada

- Nilinaw ni Priscilla Meirelles na kasal pa rin sila ni John Estrada ngunit hindi niya sinabi kung magkasama pa rin sila

- Hindi niya alam ang tungkol sa naging pahayag ni John noong Hulyo 2024 na nagsasabing nagkasundo silang magpahinga muna sa kanilang relasyon

- Mas pinagtutuunan niya ngayon ng pansin ang sarili, lalo na ang kanyang kalusugan at magandang relasyon sa kanilang anak na si Anechka

- Ipinapayo niya sa anak na unahin ang pagmamahal sa sarili at tiyaking may pagsasaluhan at pagbibigayan sa anumang relasyon

Nilinaw ni Priscilla Meirelles na kasal pa rin sila ng kanyang asawang si John Estrada sa kabila ng mga espekulasyon tungkol sa kanilang relasyon. Sa panayam niya nitong Biyernes sa Fast Talk with Boy Abunda, inamin niyang legal pa rin ang kanilang pagsasama ngunit hindi niya sinagot kung magkasama pa rin sila sa iisang bahay.

"Legally, we’re still married," pahayag ni Priscilla.

Read also

Sam Verzosa, naglabas ng "resibo" upang kontrahin ang pahayag ni Isko Moreno

Nagbigay rin siya ng reaksiyon hinggil sa naging pahayag ni John noong Hulyo 2024 kung saan sinabi nitong nagkasundo silang magpahinga muna sa kanilang relasyon. Ayon kay Priscilla, hindi niya alam ang tungkol dito.

"I don’t know, maybe kung nag-decide siya sa side niya na take a break," aniya.

Sa kabila ng mga isyung kinakaharap, tiniyak ni Priscilla na siya ay nasa maayos na estado ngayon at mas pinagtutuunan ng pansin ang sarili.

Nang tanungin kung ipinaglalaban pa niya ang kanilang pagsasama ni John, sinabi niyang nasa punto na siya ng kanyang buhay kung saan inuuna na niya ang sarili.

"I’m in a point in my life that [ipinaglalaban] ko ‘yung sarili ko," aniya.

Binigyang-diin din niya ang kahalagahan ng sariling kaligayahan at kapayapaan ng isip.

"I went back to loving myself, which was lost for many years. And I’m not blaming anyone, it’s basically my fault that I got to a point where I was not loving myself anymore. So today, I can say that, oh my gosh, I have so much love because I love myself first. Of course, God, me, and then I have so much love to share," sabi pa ni Priscilla.

Read also

Derek Ramsay, ibinida ang pagbisita ng matalik na kaibigan nila ni Ellen Adarna na si Pernilla Sjöö

Matatandaang ikinasal sina John at Priscilla noong 2011 at biniyayaan ng isang anak na si Samantha Anechka noong 2012. Sa parehong panayam, ibinahagi rin ni Priscilla ang kanyang payo sa anak na ngayon ay 13 taong gulang na.

"‘Yung sasabihin ko kay Anechka, palagi actually po, is that she needs to love herself. After God, it’s her," aniya.

Dagdag pa niya, laging ipinaaalala niya sa anak na tiyakin ang kanyang mga hangganan at mga pamantayan sa buhay, at huwag kalimutang ipahayag ang kanyang mga inaasahan sa ibang tao.

Si Priscilla Meirelles de Almeida ay isang Barzilian model at beauty queen. Nanalo siya sa Miss Earth pageant noong 2004 na ginanap sa Pilipinas. Matapos ang pagkapanalo ay naging bahagi siya ng showbiz sa bansa at kinalaunan ay ikinasal sa aktor na si John Estrada noong 2011.

Naging usap-usapan ang makahulugan at matapang na hashtags na ginamit ni Priscilla kamakailan sa kanyang Instagram post. Kalakip ito ng kanyang picture na nagpapakita ng kanyang natural na kagandahan. Ang caption ng naturang post niya ay kalakip ang mensaheng "not fragile like a flower." Aniya, siya ay parang bomba.

Read also

Baron Geisler, nanindigan sa nilabas na pahayag: "The truth will come out very, very soon"

Nag-post din siya ng nakakaintrigang payo para sa kanyang Instagram followers at fans. Nagbahagi siya ng tips para sa mga taong aniya'y gusto silang itrato nang tama. Aniya, tama lang at walang masama kung gustuhin na igalang. Ito ay sa kabila ng isyung kinakasangkutan ng kanyang asawa at ang binabanggit nito na nag-entertain umano sa pamilyadong lalaki.

Source: KAMI.com.gh