Kim Chiu, pina-Feng Shui si Paulo Avelino? KimPau fans, hindi magkamayaw sa kilig!

• Viral ngayon ang video ni Kim Chiu na nagpapa-Feng Shui sa isang store habang tinutukoy ang isang taong "Year of the Dragon"
• Nabunyag ng mga netizen na si Paulo Avelino ang tinutukoy ni Kim matapos niyang banggitin ang petsang "May 13"
• Tila iniisa-isa ni Kim ang lahat ng aspeto ng relasyon nila ni Paulo na nagdulot ng kilig sa fans ng tambalang KimPau
• Labis ang tuwa ng supporters sa social media, na umaasa sa soft launch ng kanilang relasyon

Hindi mapigilan ni Kim Chiu ang tuluy-tuloy na pagpapakilig sa mga fans ng tambalan nila ni Paulo Avelino, na tinaguriang KimPau. Usap-usapan ngayon sa social media ang di umano’y pagpapa-Feng Shui ni Kim kay Paulo, na tila naglalayong suriin ang vibes ng kanilang relasyon ngayong taon.

Viral ang isang maikling video na kumakalat sa X (dating Twitter) kung saan makikitang nasa isang Feng Shui store si Kim. Sa nasabing clip, may itinanong si Kim sa isang Feng Shui expert tungkol sa isang taong “Year of the Dragon.” Agad namang nag-react ang mga netizen nang banggitin ni Kim ang petsang "May 13," kasabay ng mahiyain niyang pagtili at sabing, “Kunwari di alam.”

Read also

Jak Roberto, nawindang nang tuksuhin ng audience: "Umuwi ka na Barbie!"

Dahil dito, mabilis na natukoy ng mga fans na si Paulo Avelino ang tinutukoy ni Kim, lalo pa’t tugma ang petsang iyon sa kaarawan ni Paulo—May 13, 1988. Mas lalong nagpasabik sa mga netizen ang clip dahil hindi naipakita ang mismong sagot ng Feng Shui expert. Gayunpaman, sapat na ang video para magbubunyi ang KimPau fans na naniniwalang “soft launch” na ito ng relasyon ng dalawa.

Sa post ng KimPau Team Abroad Official sa X, ibinahagi nila ang naturang video na mula sa vlog na binahagi ni Kim at nagkomento pa, “Yes! Confirmed na!!! Napa-Feng Shui ka na @mepauloavelino ni @prinsesachinita. Ang ngiti ko ang hirap isara!!! Grabe ang kilig ko napalundag pa!”

Tila hindi magkamayaw ang supporters ng tambalan sa kilig na dulot ng simpleng gesture na ito ni Kim. Ayon sa iba, ito raw ay patunay na masaya at inspirado ang aktres, habang ang ilan naman ay mas lalong umasa na totoong may namamagitan na sa kanila ni Paulo.

Read also

Barbie Imperial, pumalag sa 'third party' comment sa kanya

Habang nananatili pa rin sa haka-haka ang lahat, isa lang ang sigurado: hindi humuhupa ang kilig ng KimPau nation!

Si Kim Chiu ay isang kilalang artista at personalidad sa industriya ng showbiz sa Pilipinas. Isinilang siya noong April 19, 1990, sa Tacloban City, Leyte, Philippines. Unang sumikat si Kim Chiu noong sumali siya sa reality show na "Pinoy Big Brother: Teen Edition" noong 2006.

Sa post ni Kim, binahagi niya ang saloobin na nakabalik na siya sa pagtatrabaho matapos ang mahigit isang linggo. Sa kanyang pagbabalik-trabaho, aniya ay mas naging makahulugan sa kanya ang linyang “Umulan man o Umaraw. Kahit ang dulo ay di matanaw." Bahagi ito ng lyrics sa opening song ng noontime show na "It's Showtime."

Tuwang-tuwa si Kim nang makatanggap ng mamahaling sapatos mula sa Diamond Star na si Maricel Soriano. Sa kanyang IG stories ay makikita ang pag-abot sa kanya ni Maricel ng Christian Louboutin na sapatos.

Source: KAMI.com.gh