Atong Ang, kinumpirma ang relasyon nila ni Sunshine Cruz

• Inamin ni Atong Ang na sila ni Sunshine Cruz ay nasa isang relasyon sa panayam ng Bilyonaryo News Channel
• Matagal nang nali-link ang dalawa ngunit kinumpirma lamang ito ni Atong matapos mag-viral ang kanilang video na nagki-kiss sa labi
• Halos anim na taon naging karelasyon ni Sunshine si Macky Mathay bago ang kumpirmadong relasyon kay Atong
• Noong 2018, na-annul ang kasal ni Sunshine sa dating asawang si Cesar Montano na ama ng kanilang tatlong anak

Inamin na ng bilyonaryong negosyanteng si Atong Ang na sila ng aktres na si Sunshine Cruz ay nasa isang relasyon.

Kinumpirma ni Atong ang balita sa panayam ng Bilyonaryo News Channel sa programang "Agenda" na hino-host ni Pinky Webb nitong Disyembre 17.

Matagal nang nali-link ang dalawa, pero ngayon lang kinumpirma ni Atong ang kanilang relasyon matapos mag-viral ang isang video kung saan nag-kiss sila sa labi.

Matatandaang halos anim na taon ding karelasyon ni Sunshine si Macky Mathay, at noong 2018 ay na-annul ang kasal niya sa dating asawa na si Cesar Montano na ama ng tatlong anak ng aktres.

Read also

Video ng fast food service crew na nakapasa sa LET, umantig sa mga netizens

Kamakailan nga ay naging maingay ang pangalan nina Atong at Sunshine matapos ang paglabas ng video kung saan makikitang nag-kiss ang dalawa. Hindi naman naglabas ng pahayag ang aktres kaugnay dito ngunit maging si Cristy Fermin ay nagsabing may relasyon nga ang dalawa.

Ang aktres na si Sunshine Cruz ay mula sa sikat na angkan ng mga Cruz na kilala sa mundo ng showbiz. Ang kanyang mga pinsang sina Geneva Cruz, Donna Cruz, at Sheryl Cruz ay nakilala din sa pag-aartista at sa pag-awit. Nabiyayaan sila ng dating asawang si Cesar Montano ng tatlong anak na sina Angelina Isabelle, Samantha Angeline at Angel Franchesca. Kagaya ni Cesar, mayroon na ring bagong karelasyon si Sunshine.

Hindi pinalampas ni Sunshine ang isang basher na nagbanggit tungkol sa paggawa niya noon ng "bold movies." Aniya ito umano ang dahilan kung bakit na-turn off si Cesar Montano kay Sunshine kaya naghanap umano ito ng iba. Sagot ni Sunshine, hindi nito alam kung ano talaga ang mga nangyari sa kanila at hindi nila siya kilala. Sinabihan din ng aktres ang naturang basher na nag-komento na mag-move on na lang din siya.

Read also

Heart Evangelista at Chiz Escudero, binalikan ang panahong nagka-problema ang marriage nila

Nag-post si Sunshine ng pictures na kuha sa 18th birthday celebration ng anak niya. Makikita sa kanyang picture na binahagi na kuha ng Nice Print Photography na kasama din si Cesar sa pagdiriwang. Ito ang unang pagkakataon na nag-post si Sunshine ng picture nilang magkakasama simula nang maghiwalay sila ng dating asawa. Naroroon din ang kanyang kasalukuyang partner na si Macky Mathay at ang isa pang anak ni Cesar na si Diego Loyzaga.

Source: KAMI.com.gh