Baeby Baste, ibinida ang picture nila ni Alden Richards

- Ibinida ni Baeby Baste ang picture nila ni Alden Richards sa pamamagitan ng isang Instagram post

- Makikita sa pinakabagong picture nila na tila mas malaki pa si Baste kay Alden

- Inilarawan din ni Baste si Alden sa naturang Instagram post bilang kanyang kuya BFF

- Matatandaang nagkasama sila noon sa "Eat Bulaga" noong nasa GMa-7 pa ang naturang noontime show

Binahagi ni Baeby Baste ang before and after picture nila ng kanyang kuya na si Alden Richards. Makikita sa pinakabagong picture nila na tila mas malaki pa si Baste kay Alden.

Sa kanyang caption ay inilarawan niya ang kanyang ngipin noon na bungi, na ngayon ay may braces na. Inilarawan din ni Baste si Alden sa naturang Instagram post bilang kanyang kuya BFF.

From pangag to naay braces…. walay nagbag-o❤️❤️❤️ my bff kuya @aldenrichards02

Read also

Bianca Gonzalez, nagbalik-tanaw sa engagement nila ng mister

Matatandaang nagkasama sila noon sa Eat Bulaga noong nasa GMa-7 pa ang naturang noontime show.

Si Richard Reyes Faulkerson Jr. o mas kilala sa kanyang screen name na Alden Richards ay isang actor, host, producer at entrepreneur. Binansagan siya bilang "The Asia's Multimedia Star" matapos makatanggap ng Asian Star Prize awards sa 14th Seoul International Drama Awards of 2019 for acting. Nakilala siya bilang kapareha ni Maine Mendoza sa tandem nilang AlDub sa Eat Bulaga.

Ayon kay Ogie Diaz, magbibigay siya ng P100,000 kung may mailalabas na anak ang isa sa mga AlDub fan na nagsalita sa isang video. Dagdag pa niya, P150,000 naman ang ibibigay niya kung mapapatunayan nito na may apo na rin ang AlDub. Sa naturang video ay sinasabi ng isang AlDub fan na totoo daw na may anak talaga sina Maine at Alden. Ito ay sa kabila ng paglilinaw kamakailan ni Maine na wala itong katotohanan.

Read also

Miles Ocampo, inaming inaayos nila ni Elijah Canlas ang kanilang relasyon

Kamakailan ay inalmahan ni Cristy Fermin ang ilang Aldub fans na tila nagdududa pa kung si Arjo Atayde nga ang kasama ni Maine sa bakasyon nito kamakailan. Aniya, may ilang AlDub fans pa umanong magtutungo sa airport upang salubungun si Maine. Dahil sa muling pagkabuhay ng isyu sa AlDub, tila iba na raw ang nararamdaman ni Cristy sa naturang kontrobersiya. Tila binabarikadahan pa rin umano ng ilang AlDub fans ang mga iniidolo nila kahit si Maine ay kasal na kay Congressman Atayde.

Source: KAMI.com.gh