Jake Ejercito, napaatras nang kailangan niyang mamili kina Anne Curtis at Ivana Alawi

- Kinaaliwan si Jake Ejercito sa reaksiyon niya sa isang TikTok trend kung saan kailangan niyang mamili ng kanyang "girlfriend" sa mga artistang pinagpipilian

- Magkakasunod ang pagpili ni Jake kay Anne Curtis na naitapat kina Liza Soberano, Kathryn Bernardo, Lovi Poe at Yassi Pressman

- Nang makatapat na ni Anne si Ivana Alawi ay natigilan si Jake at biglang umatras

- Agad itong nag-viral at umabot na ng mahigit 1 milyon views sa kanyang TikTok page

Kinaaliwan si Jake Ejercito sa kanyang TikTok video kung saan ginawa niya ang nauusong "Choose your girlfriend" trend. Magkakasunod ang pagpili ni Jake kay Anne Curtis na naitapat kina Liza Soberano, Kathryn Bernardo, Lovi Poe at Yassi Pressman.

Ikalimang naitapat kay Anne Curtis si Ivana Alawi na kanyang nakasama sa seryeng A Family Affair.

Read also

Vice Ganda, pabirong binanggit si Anne Curtis habang namamasyal siya sa Canada

Hindi ito agad sumagot at napaatras na tipong natakot na sumagot.

Marami ang naaliw sa reaksiyon niyang ito na iniugnay nila sa mga ginampanang mga role nila sa naturang serye. Narito ang ilan sa mga komento:

Tumiklop kay Cherry Red! Hahaha!

Laki ng takot niya kay Cherry Red! haha

Hahaha the more you hate the more you love talaga

Si Juan Emilio Ejercito o mas kilala sa screen name niya bilang si Jake Ejercito ay anak ni dating pangulong Joseph Estrada at ni Laarni Enriquez. Siya ang ama ng panganay na anak ni Andi Eigenmann na si Ellie Ejercito. Naging bahagi siya ng ilang mga serye kagaya ng Marry Me Marry You. Ilan sa mga pelikulang kanyang nagawa ay Coming Home (2020), Pamilya (2018) at Mansyon (2017.)

Read also

Mayor Bullet Jalosjos ng TAPE Inc., binigyang linaw umano'y pagbabago sa Eat Bulaga

Maayos ang co-parenting nina Jake at Andi sa kabila ng pagkakaroon ng sariling pamilya ni Andi na nakatakda nang ikasal kay Philmar Alipayo na ama ng dalawang anak niya. Kamakailan ay nabanggit ni Jake na naapektuhan si Ellie sa sigalot sa pagitan ng kanyang mga magulang noon. Sa kasalukuyan ay maayos na ang kanilang relasyon bilang magulang kay Ellie. Sa katunayan, tinawag ni Jake na "MVP" si Andi kamakailan.

Naibahagi din ni Jake ang isang lumang picture ni Andi Eigenmann na kuha sa dinner date nila noong 2013 noong sila pa ang magkarelasyon. Binahagi niya rin ang picture ni Ellie na kagaya ng pagkakakuha ng picture ni Andi na kalahati lang ng kanyang mukha ang kita. Marami naman ang natuwa sa binahaging ito ni Jake dahil kahit hindi na sila ni Andi ay naibabahagi pa rin nito ang picture ng ex. Sa kasalukuyan ay maayos na ang kanilang relasyon sa pagiging co-parents sa anak nilang si Ellie.

Source: KAMI.com.gh