Zeinab Harake, inulan ng suporta matapos niya magbahagi ng cryptic message

- Marami ang naintriga sa cryptic tweet ni Zeinab Harake sa gitna ng kanyang pinagdadaanan

- Hindi niya tinumbok kung ano ang kanyang tinutukoy ngunit marami sa mga netizens ang napapaisip kung kaugnay ito sa kanyang kasalukuyang pinagdadaanan

- Marami ang nagpahayag ng kanilang mensahe ng pagsuporta sa vlogger matapos niyang ibahagi ang naturang tweet

- Matatandaang kamakailan ay isinapubliko ni Zeinab ang tungkol sa pagkawala ng kanyang ikalawang baby

Walang binanggit na pangalan si Zeinab Harake sa isang tweet na umani ng samu't-saring reaksiyon mula sa netizens. Hindi niya tinumbok kung ano ang kanyang tinutukoy ngunit marami sa mga netizens ang napapaisip kung kaugnay ito sa kanyang kasalukuyang pinagdadaanan.

"Mabigat, pero di na magugulat"—ito ang maikli ngunit makahulugang mensahe ni Zeinab. Ito ay sa gitna ng mga lumalabas na espikulasyon at akusasyon sa kanya at sa partner niyang si Skusta Clee.

Read also

Sandara Park, kinaaliwan sa kanyang binahaging picture ng tumalsik niyang sapatos

Bukod sa pag-unfollow ni Zeinab Harake sa Instagram account ni Skusta Clee, napansin din ng mga netizens na hindi na nakikita sa kanyang Instagram posts. Kasunod ito ng kanyang pagsasapubliko ng pagkawala ng kanyang ikalawang baby na pinangalanan nilang Baby Moom Harake.

Sa kanyang post, hindi din nabanggit ni Zeinab ang kanyang partner. Tanging sila ng kanyang anak na si Bia ang kanyang nabanggit sa kanyang pot.

Bumuhos ang pagpapaabot ng mensahe ng pagsuporta kay Zeinab lalo at marami sa mga netizens ang nag-aalala na baka may pinagdadaanan din ang relasyon nila ni Skusta Clee. Maging ang mga kasamahan niyang content creators ay nagpaabot ng kanilang pakikiramay at pagsuporta kay Zeinab.

Si Zeinab Harake ay isang social media influencer at YouTube content creator. Naging kontrobersiyal ang relasyon nila ni Skusta Clee nang una silang maghiwalay kung saan ibinunyag ni Zeinab ang ilang bagay tungkol kay Skusta.

Read also

Joross Gamboa, biniro si Sandara Park kaugnay sa viral picture nito

Naging laman ng balita ang pagsasapubliko ni Zeinab na nagdadalang-tao siya sa anak nila ng kasintahang si Skusta Clee. Sa isang panayam kay Toni Gonzaga ay inilahad ni Zenab ang ilang detalye ng kanyang pagbubuntis.

Kamakailan, ibinahagi ni Zeinab ang behind the scenes ng bonggang photoshoot ng baby girl niyang si Bia. Nagmukhang munting prinsesa ang baby nila ng boyfriend na si Skusta Clee ng 'Ex-Batalion.'

Source: KAMI.com.gh