Cristy kay Alden sa set ng Start Up: "Marami 'yung nagsasabi na nagpapahintay siya"

- Naibahagi ni Cristy Fermin ang umano'y maugong na balita kay Alden Richards

- Nagpapahintay daw umano ito sa set nila ng Start Up kung saan nakasama ang aktres na si Bea Alonzo

- Bagama't marami ang nagtatanggol at hindi naniniwala, mas marami umano ang nagpapatotoong nangyayari umano ito

- Isa umano si Cristy Fermin sa nanghihinayang sakaling totoo ito gayung matagal nang may magandang reputasyon si Alden bilang isang aktor

Naikwento ni Cristy Fermin ang umano'y napapabalitang pagpapahintay ni Alden Richards sa set ng Start Up Ph.

Nalaman ng KAMI na nakarating kina Cristy ang isyung ito naging usap-usapan na sa produksyon ng naturang serye.

"Kalat na kalat ang balitang nagpapahintay si Alden sa kanyang mga kasama sa set ng Start Up. Merong kumokontra, may nagtatanggol pero mas marami 'yung nagsasabi na nagpapahintay siya," ayon kay Cristy.

Read also

Cristy, sinabing laging may dalang Php200,000 si Jinkee Pacquiao: "Everyday 'yun"

"On the set na raw po yung mga kasamahan niya pero siya na nasa waiting area pa rin, o dressing room hindi pa lumalabas," dagdag pa nito,

Sakali mang may katotohanan ang usap-usapang ito, labis umanong nanghihinayang si Cristy kay Alden na matagal na umanong maganda ang reputasyon pagdating sa trabaho.

Naiuugnay din umano sa sitwasyong ito ang isang tao na malapit kay Alden ngayon.

"Sino po 'yung malapit kay Alden ngayon, 'yung nasa paligid niya na umaakto raw po na high and mighty, na siya ang nasusunod sa lahat ng ginagawa ni Alden Richards."

Dahil umano rito, napapasama ngayon si Alden at tila nababago raw ang impresyon na naiiwan sa publiko.

Narito ang kabuuan ng pahayag ni Cristy mula sa kanyang YouTube channel na Showbiz Now Na!

Si Alden Richards ay isang aktor at TV host sa Pilipinas. Kamakailan ay maayos na itong bumalik sa Eat Bulaga matpos ang halos dalawang taon na wala sa sil asa telebisyon.

Read also

Sharon-Gabby concert kasado na ayon sa source ni Cristy Fermin

Samantala, sa ginagawa naman nitong pelikula, agad na napuri siya ng co-star na si Julia Montes.

Kahit dalawang araw pa lamang umano sila nagsu-shooting, nasabi nilang komportable na sila sa isa't isa.

"Parehong-pareho po kaming magtrabaho... sobrang hindi po high maintenance si Julia," saad ni Alden.

"Kaya pala talaga siya si Alden Richards. Bagay sa'yo yung dimples sa kabaitan mo," natatawang nasabi ni Julia na sinundan naman niya ng pagpuri sa aktor. "'Yung looks niya, obvious na kasi na mabait e. Pero napatunayan niyang totoong mabait siya," dagdag pa niya.

Source: KAMI.com.gh