Cristy Fermin, may payo sa umano'y isyu kay Mommy Divine; "Dapat ayusin bago lumala"

- Pinayuhan ni Cristy Fermin si Mommy Divine Geronimo na nahaharap ngayon sa isyung reklamo ng ilang dati niyang empleyado

- Matatandaang una na itong naiulat sa programang Ogie Diaz Showbiz Update kung saan nagpadala ng mensahe umano ang mismong empleyado

- Ani Cristy, nararapat lamang na harapin na ito ni Mommy Divine bago pa ito lumala

- Lalo pa't sinasabing hindi ito ang unang pagkakataon na napabalita ang hindi tamang pamamalakad umano ni Mommy Divine sa ilan niyang empleyado

Pinayuhan ni Cristy Fermin ang ina ni Sarah Geronimo-Guidicelli na si Divine Geronimo o mas kilala sa tawag na Mommy Divine.

Nalaman ng KAMI na ito ay matapos na mapabalita umano ang reklamo ng ilan nitong empleyado na nakaranas ng hindi tamang pagtrato mula sa kanya.

Matatandaang una na itong napabalita sa Ogie Diaz Showbiz Update kung saan ipinadala mismo kay Mama Loi ang mensahe ng umano'y nagrereklamong empleyado at maging ang screenshot na sinasabing ebidensya ng pagtrato sa kanila ni Mommy Divine.

Read also

Zeinab Harake, sumang-ayon sa post ni Donnalyn Bartolome tungkol sa di pakikipagbalikan sa ex

At tulad ni Ogie Diaz, pinayuhan din ni Cristy Fermin si Mommy Divine na harapin na ito bago pa man lumala ang isyu at humantong pa sa programa ni Senator Raffy Tulfo na mayroong halos 24 million na mga subscribers sa YouTube.

"Hindi ito magandang pakinggan at malaman. Unang-una, alam naman natin magulang ni Sarah Geronimo ang isyu na pinag-uusapan ngayon,"

"Nakakaalarma po ito dahil baka nga humantong pa po ito sa programa ni Senator Raffy Tulfo,"

"Lalo pong kakalat nang kakalat ang reklamong ito. Dapat ayusin po ito ni Mommy Divine bago pa lumala. HIndi po ito maganda. Dahil isipin mo, naglilingkod ka, delayed na ang sweldo wala pang bayad ang overtime mo, pagkatapos kapag gusto mo nang umalis, hindi ka pwedeng umalis, ayaw ibigay ang mga kagamitan. Tapos pinakakain sila palagi ng paa saka ulo ng manok," ani Cristy.

Read also

RR Enriquez sa umano'y isyu nina Matet at Nora Aunor: "Magtatampo talaga ako"

Narito ang kabuuan ng kanyang naging pahayag:

Si Divine Geronimo ay ang ina ng nag-iisang Popstar Royalty na si Sarah Geronimo. Kamakailan, muling gumawa ng ingay sa social media si Sarah matapos na muling ibulalas ang pagnanais na magkaayos na umano sila ng kanilang pamilya lalo na ng kanyang mga magulang. Gayunpaman, sa isa sa mga episode ng Showbiz Now Na ni Cristy Fermin, sinabing pinabura ng mister ni Sarah Geronimo na si Matteo Guidicelli ang naturang post dala ng matinding awa umano sa kanyang misis.

Source: KAMI.com.gh