Cristy Fermin sa buradong post ni Sarah G: "Sobrang awang-awa na si Matteo kay Sarah"

- Muling nabanggit ni Cristy Fermin ang tungkol sa buradong post ni Sarah Geronimo patungkol sa paghingi niya ng tawad sa kanyang mga magulang

- Ayon umano sa source ni Cristy, awang-awa na si Matteo Guidicelli sa kanyang misis

- Halos araw-araw umanong sinusubukan ni Sarah na makausap ang kanyang magulang subalit wala itong nakukuhang sagot

- Hiling ng marami na sana'y matupad na ang nais ni Sarah na magkaayos na sila ng kanyang mga magulang

Isa sa mga muling natalakay nina Cristy Fermin, Romel Chika at Wendell Alvarez ng Showbiz Now Na! ang tungkol sa buradong post kamakailan ni Sarah Geronimo.

Nalaman ng KAMI na ang naturang post ay ang tungkol sa paghingi pa rin ng tawad ni Sarah sa kanyang pamilya lalo na sa kanyang mga magulang.

Read also

Cristy Fermin sa lagay ni Vhong Navarro: "Binabahaginan ka namin ng aming panalangin"

"Meron akong source na nakausap na sobrang awang-awa na si Matteo kay Sarah. Yung nasa likod pala nung Post ni Sarah na naging emosyonal siya, binura niya kaagad. Totoong si Matteo ang nagpaalis nun, nagpabura. Kasi parang pakiramdam ni Matteo, kawawang-kawawa naman ang misis niya," ani Cristy.

Araw-araw din umanong sinusubukan ni Sarah na kausapin ang mga magulang kahit manlang sa text ngunit kailanma'y hindi siya nakakakuha ng sagot.

"Eto palang po yung panahong nakokopo, nasosolo ni Sarah Geronimo ang kanyang panahon sa piling ni Matteo, ipagdadamot ba natin sa kanya yun kung tayo ang magulang," paliwanag ni Cristy na hiling din ang pagkakaayos ni Sarah at kanyang mga magulang.

Sa ngayon, patuloy pa rin ang pamamayagpag ng kilalang batikang Entertainment writer at reporter na si Cristy Fermin sa pagbabahagi ng pinakabagong balita at isyu sa entertainment scene ng bansa.

Read also

SNN, bukas para sa panig ni AJ Raval sa isyu ng umano'y panganganak nito ayon kay Cristy

Ito ay sa kanyang mga programang Cristy Ferminute at YouTube channel na Showbiz Now Na! kasama sina Morly Alinio, Romel Chika at Wendell Alvarez.

Sa loob lamang ng ilang buwan, natanggap na ni Cristy ang kanyang silver play button sa YouTube sa pagkakaroon ng mahigit 100,000 subscribers na ngayo'y may bilang na 289,000 subscribers.

Source: KAMI.com.gh