Tagalog

COVID-19 cases sa bansa, umabot sa lampas 7,000 sa loob lang ng isang araw

Friday, March 19, 2021 at 4:59 PM by Marisse Gulferica

- Umabot sa 7, 103 ang mga naitalang kaso ng COVID-19 sa bansa sa loob lamang ng isang araw

- Ito na ang pinakamataas na bilang na naitala mula pa nang magsimula ang pandemya

- Sa kasalukuyan, mayroon pa ring 73,264 na mga aktibong kaso ng COVID-19 sa bansa

- Noong Marso 13, umabot din sa 5,000 ang naitalang bagong kaso sa loob lamang din ng isang araw

- Mula noon, hindi na halos bumaba sa 4,000 ang mga naitatalang kaso ng COVID-19 araw-araw sa Pilipinas

PAY ATTENTION: Click "See First" under the "Following" tab to see KAMI news on your News Feed!

Pumalo ng 7,103 ang mga nagpositibo sa COVID-19 sa bansa ngayong araw, Marso 19.

Ito ang pinakamataas na bilang na naitala sa Pilipinas sa loob lamang ng isang araw mula pa noong maideklarara ang pandemya sa buong mundo.

Ayon sa Department of Health, mayroon na ngayong 648,066 na kabuuang bilang ng lahat ng tinamaan ng COVID-19 sa Pilipinas.

Read also

Sarah Geronimo, inaming nakabantay ang asawa habang nasa shoot para sa concert

COVID-19 cases sa bansa, umabot sa lampas 7,000 sa loob lang ng isang araw — COVID-19 test (Photo from Pixabay)
Source: UGC

Sa bilang na 7,103, 97.3% sa mga ito ay mild at asymptomatic cases. 1.1 % ang severe, at 1 % naman ang nasa kritikal na kondisyon.

Sa ngayon, mayroon nang kabuuang bilang na 73,264 na aktibong kaso ng COVID-19 sa bansa.

Samantala, 390 ang mga naitalang naka-recover ngayong araw habang 13 naman ang mga pumanaw.

Noong Marso 13, nakapagtala ng 5,000 na bagong kaso sa loob ng isang araw. Bago pa ito, 4,578 na mga nagpositibo sa COVID-19 noong Marso 12 at mula noon ay hindi na bumababa sa 4,000 ang mga nagitatalang kumpirmadong kaso sa loob ng isang araw.

PAY ATTENTION: Shop with KAMI! The best offers and discounts on the market, product reviews and feedback.

Dahil dito, patuloy pa rin ang paalala ng Kagawaran ng mga safety protocols tulad nang pagsusuot ng face mask at face shield, palagiang paghuhugas ng kamay at disinfection at social distancing.