Tagalog

Store owner, labis na nadismaya sa nakawang naganap sa kabubukas lang niyang shop

Monday, March 15, 2021 at 9:12 PM by Marisse Gulferica

- Nalooban kaagad ng mga kawatan ang kabubukas lamang na shop na We're Elevated Co.

- Naglabas ng sama ng loob ang store owner nito lalo na at nagsisimula pa lamang umano siya sa kanyang negosyo

- Bukod sa mga nanakaw na produkto, nakuha rin ang ilang mamahalin niyang gamit sa shop

- Ipinakita niya ang listahan ng ilang mga nawalang gamit at umaasa siyang mahuhuli ang mga gumawa nito

Viral ngayon ang post ni Ralph Angelo Valerio, ang store owner ng We're Elevated Co. kung saan ipinakita niya ang itsura ng shop niya na ninakawan.

Nalaman ng KAMI na dismayado talaga si Ralph sa nangyari lalo na at nagsisimula pa lamang siya umano sa kanyang negosyo.

Ipinakita ni Ralph ang itsura ng kanyang shop matapos itong malooban.

Pinaniniwalaang sa kisame dumaan ang mga kawatan dahil sa butas na iniwan nito.

Read also

'Sagot for sale' ng mga learning modules, idinetalye ng isang magulang

Nagawa pang itayo ng mga ito ang dalawang mahabang upuan sa shop upang magsilbing hagdan nila upang makalusot muli sa kisame nito.

Makikita rin ang mga bakas ng sapatos ng mga nanloob sa mga upuan na ginamit ng mga ito para makaakyat muli sa kung saan sila nakapasok.

Ilang mga shirts ang nakuha dahil na rin sa mga hanger na nabakante na.

Base rin sa listahan na inilabas ni Ralph, may mga sapatos ding nakuha ang mga magnanakaw.

Bukod pa rito, maging ang kanyang PS4 ay nakuha at ilan pang mamahaling gamit na nasa shop.

Sa kabila ng nangyari, naniniwala si Ralph na mahuhuli rin ang mga gumawa nito.

Narito ang kabuuan ng kanyang post: