Lalaking nakakaubos ng 15 na extra rice, ikinuwento ang kanyang buhay sa EB

Friday, March 05, 2021 at 1:35 AM by Marisse Gulferica

- Ibinahagi ng lalaking nakakaubos ng 15 na extra rice ang kanyang buhay sa 'Bawal Judgmental' ng "Eat Bulaga"

- Mula pagkabata raw ay mahilig na talaga siyang kumain nang may karamihan

- Minsan na rin siyang singilin ng pangdalawang tao sa jeep dahil sa kanya umanong laki

- Ngunit ang nakatutuwa sa lalaking ito ay napananatili niyang maging positibo sa buhay

PAY ATTENTION: Click "See First" under the "Following" tab to see KAMI news on your News Feed!

Kinagiliwan ang guest ng Bawal Judgmental ng Eat Bulaga na si Rod Eusebio, isang 27-anyos na kaya raw umanong makaubos ng 15 na extra rice sa isang upuan.

Nalaman ng KAMI na bata pa lamang si Rod ay may kabigatan na ang kanyang timbang.

Habang lumalaki, ay nahihilig na talaga siyang kumain ng marami.

Lalaking nakakaubos ng 15 na extra rice, ikinuwento ang kanyang buhay sa EB — Rod Eusebio (Photo credit: Eat Bulaga)
Source: Facebook

Kwento niya, sinubukan naman niyang mag-exercise. Subalit sa tuwing may madaraanan siyang kainan, para raw siyang hinihila para kumain.

Read also

Sharon Cuneta, natangayan ng P500,000 ng isang taong kanyang pinagkatiwalaan

At pag kumakain pa raw sila sa mayroong "unli-rice", sulit na sulit ito kay Rod dahil nakaka-15 siyang extra rice at "nakapigil" pa raw iyon at hindi pa raw nakatodo.

Sa edad niya ngayon, nagbabalak na rin daw umano siyang mag-gym ngunit may kamahalan daw kasi ang bayad nito kaya naman minsanan lang niyang gawin ang maglakad-lakad.

PAY ATTENTION: Shop with KAMI! The best offers and discounts on the market, product reviews and feedback.

Nang tanungin naman siya kung mayroon siyang napupusuan, pabiro naman nitong sinabi na ang mga natitipuhan niya ay mga may-ari ng karinderya.

Ngunit minsan na rin siyang nakaranas ng bahagyang pangungutya dahil sa kanyang timbang. Tulad na lamang ng pagsingil sa kanya ng doble pamasahe sa jeep. Hindi naman na siya pumapalag at pang-dalawang tao nga ang kanyang ibbinabayad.

Ito rin ang kagandahan kay Rod dahil sa kabila ng mga ganitong uri ng pinagdaraanan ay nanatiling positibo at masayahin sa buhay.