Pinoy na nilaslasan ng mukha, di tinulungan ng mga kapwa pasahero ng NY subway train

Tuesday, February 09, 2021 at 7:52 PM by Marisse Gulferica

- Isang 61-anyos na Pinoy sa New York ang walang awang nilaslas ang mukha ng nakasakay niya sa subway train

- Sinisipa umano ng katabi niya sa tren ang kanyang bag at nang ito ay kanyang sitahin, doon daw nito nilabas ang box cutter

- Inakala pa ni Noel na sinapak siya ng lalaki kaya laking gulat niya nang makita ang labis na dugo sa kanyang mukha

- Walang tumulong sa kanya sa mga kapwa pasahero, at lumapit pa siya sa isang subway attendant na siyang tumawag ng 911 na nagdala sa kanya sa pagamutan

PAY ATTENTION: Click "See First" under the "Following" tab to see KAMI news on your News Feed!

Kalunos-lunos ang sinapit ng kababayan nating si Noel Quintana sa subway train sa New York nang bigla na lamang umanong laslasin ng isang lalaki ang kanyang mukha.

Nalaman ng KAMI na ang 61-anyos na Pinoy ay nananahimik lamang sa subway train nang biglang pagsisipain ng nakatabing lalaki ang kanyang bag.

Read also

Nag-viral na ale dahil sa pangungutya sa mga miyembro ng LGBT, kinasuhan na

Ayon sa ulat ng GMA News, sinita ni Noel ang lalaki. At di nagtagal, naglabas umano agad ito ng box cutter.

Pinoy na nilaslas ang mukha, di umano tinulungan ng mga kasakay sa train sa NY — Photo from Noel Quintana
Source: UGC

PAY ATTENTION: Shop with KAMI! The best offers and discounts on the market, product reviews and feedback.

Inakala pa raw ni Noel na sinapak siya nito subalit laking gulat niya nang makita ang dugo mula sa kanyang mukha.

Ang masaklap, wala ni isang tumulong sa kanya. Sa paglabas sa tren, agad siyang lumapit sa isang subway attendant na siyang tumawag ng 911.

Nadala naman si Noel sa pinakamalapit na ospital kung saan nagtamo siya ng nasa isang daang tahi sa mukha dahil sa nangyari.

Samantala, pinaghahanap na ang salarin na nakunan pa ng CCTV ang paglabas ng tren na parang wala umanong nangyari.

Kwento pa ni Noel, hindi ito ang unang pagkakataong may hindi magandang nangyari sa kanya sa subway train. Dalawang taon na ang nakararaan nang bigla rin siyang sapakin ng kasakay sa tren.