Yassi Pressman, sinagot ang netizen na duda sa kanyang natural na ganda

- Nagbigay ng matapang na sagot si Yassi Pressman sa netizen na nagduda sa kanyang natural na ganda

- Ipinakita ni Yassi ang kanyang bagong look sa Instagram na umani ng papuri mula sa followers

- May netizen na nagkomento na hindi umano natural ang kagandahan ng aktres kaya’t sinagot siya ni Yassi ng hamon

- Nanatiling positibo at classy si Yassi sa kabila ng pang-ookray na natanggap mula sa ilang netizens

Hindi pinalampas ni Yassi Pressman ang komento ng isang netizen na nagdududa sa pagiging natural ng kanyang kagandahan.

Sa kanyang Instagram account, ibinahagi ni Yassi ang kanyang bagong look na agad namang umani ng papuri mula sa kanyang mga followers. Isang user na may handle na @onlymaja__ ang nagkomento ng “gandang natural,” na ikinatuwa ng aktres at sinagot niya ito ng isang positibong tugon.

Gayunman, may ilang netizens na nagduda sa naturang papuri. Isa sa kanila ay si @jeddahmar na nagsabing, “hindi yata natural.” Hindi naman nagpatinag si Yassi at agad sumagot sa pamamagitan ng isang hamon: “@jeddahmar meet mo nalang ako.”

Read also

David Chua, nagka-closure sa ama: "Sana pinuntahan ko siya kaysa nakausap ko siya na nang bangkay”

Pabirong hirit naman ni @jeddahmar sa sagot ni Yassi: “@yassipressman ay sige punta kayo dito sa Egypt para ma-meet n’yo din family ko kc wala akong pamasahe pauwi eh.” Sa kabila ng mga negatibong komento, nanatili pa ring kalmado at classy ang sagot ni Yassi na nagpapatunay ng kanyang pagiging palaban ngunit mahinahon sa harap ng intriga.

Patuloy pa rin namang tinatangkilik ng kanyang mga tagahanga ang kanyang posts at ipinapakita ang kanilang suporta sa aktres. Sa kabila ng mga pang-ookray, pinatunayan ni Yassi na kaya niyang harapin ang anumang negatibong komento na may grace at respeto.

Si Yassi Pressman ay isang Filipina-British actress, singer, dancer, at model na sumikat sa mundo ng showbiz dahil sa kanyang husay sa pag-arte at pagsayaw. Nagsimula siyang lumabas sa TV commercials noong bata pa siya, at kalaunan ay naging bahagi ng ilang Kapamilya shows tulad ng Gulong ng Palad at Tween Hearts. Pinakakilala si Yassi sa kanyang role bilang Alyana sa hit primetime series na FPJ’s Ang Probinsyano, kung saan naging ka-love interest siya ng karakter ni Coco Martin. Bukod sa pag-arte, aktibo rin si Yassi sa negosyo at social media, kung saan madalas niyang ibinabahagi ang kanyang fitness journey at travel adventures.

Read also

Maureen Larrazabal, inamin na nabulag ng dalawang taon dahil sa contact lens

Nagbahagi si Yassi Pressman ng makahulugang mensahe sa kanyang Instagram stories sa gitna ng kinasasangkutang kontrobersiya ng kanyang kapatid. Hindi nito diretsahang sinabi na patungkol sa isyu ng kanyang kapatid ang sinabi niyang dapat abangang "2 sides of a story". Sa pag-viral ng picture ng kapatid niyang si Issa Pressman kasama si James Reid, naungkat ang ginawang pagtatanggol ni Yassi noon sa kapatid. Ito ay sa kasagsagan ng pagkakadawit noon kay Issa sa hiwalayang James at Nadine Lustre.

Nagsalita naman si James kaugnay sa isyung kinasasangkutan nila ni Issa kasunod ng pag-post nila ng pictures nilang magkasama. Ani James, walang katotohanan ang mga haka-haka tungkol kay Issa at mga rumors lamag daw ang lahat ng iyon. Hindi niya raw ugali na sagutin ang mga bashers o makisali sa hate culture ngunit aniya ay kailangan niya nang magsalita. Aniya pa, hindi niya hahayaang mawala sa kanya ang simula ng "something beautiful" sinabi niya din na ngayon siya naging pinakamasaya.

Read also

Angillyn Gorens: "I saved your reputation by not telling my side of the story"

Source: KAMI.com.gh