Alexa Ilacad, pinagsasabihan ang mga fans ni Fyang Smith sa kanyang live

- Viral ang TikTok live ni Alexa Ilacad matapos niyang pagsabihan ang ilang bastos na fans ni Fyang Smith na pumasok sa kanyang broadcast

- Paulit-ulit na hinahanap ng mga fans si Fyang sa live ni Alexa kaya’t hindi naiwasan ng aktres ang maglabas ng sama ng loob

- Pinayuhan ni Alexa ang mga ito na maging mas mindful at respetuhin ang live ng ibang tao

- Umani ng halo-halong reaksyon mula sa netizens ang matapang na pahayag ni Alexa sa kanyang social media live

Viral ang video ng Kapamilya star at Pinoy Big Brother host na si Alexa Ilacad matapos niyang pagsabihan ang ilang bastos na fans ni Fyang Smith sa kanyang live broadcast sa TikTok. Sa naturang video, makikitang masayang nakikipag-interact si Alexa sa kanyang mga fans.

Sumasagot din siya sa mga tanong, at nagbibigay ng updates tungkol sa kanyang mga proyekto. Subalit, nagkaroon ng tensyon nang biglang sumulpot ang ilang fans ni Fyang Smith, ang isa sa mga housemates ng Pinoy Big Brother Gen 11. Ang mga ito ay paulit-ulit na nagtanong kung nasaan si Fyang, na tila hindi iniintindi ang live session ni Alexa.

Read also

Dennis Padilla, nag-react sa pagka-blur ng mukha sa pelikulang “Luck At First Sight”

Sa simula ay kalmado pang sinasagot ni Alexa ang tanong ng mga ito, ngunit hindi nagtagal ay napuno na rin ang aktres dahil sa patuloy na pangungulit at kawalan ng respeto ng ilan. Sa kanyang live, madiin niyang sinabi, “Guys, hinahanap n'yo ako na parang handler? Mukha ba akong taga-Star Magic? Hindi ko alam kung nasaan si Fyang!”

Dagdag pa ni Alexa, "Next time, maging mindful naman kayo sa mga live na pinapanood ninyo. Huwag kayong maghanap ng ibang tao sa live ng ibang tao. Hindi ba kayo naiilang? It’s really weird, guys. Learn some respect, and be more mindful."

Dahil sa matapang na pahayag ni Alexa, mabilis na kumalat ang video sa social media platforms at umani ng samu't saring reaksyon mula sa netizens. Marami ang pumuri sa pagiging totoo at prangka ng aktres, na hindi nagdalawang-isip na ipagtanggol ang kanyang live broadcast laban sa mga nambabastos.

Read also

Chloe San Jose, sinagot ang netizen na nagsabing nagpa-retoke siya

Si Alexa Ilacad ay isang model, actress at singer sa Pilipinas. Nagsimula siya bilang isang child star at kamakailan, gumawa ng ingay sa pagiging celebrity housemate ng Pinoy Big Brother Kumunity Season 10.

Marami ang humanga kay Alexa nang pumasok siya sa PBB house. Isa sa naging malapit sa kanya sa loob ng bahay ay si KD Estrada. Nang makalabas na sila, lalong dumami ang supporters ng kanilang tambalan na KDLex. Sa katunayan, maging si Melai Cantiveros ay nagpahayag ng kanyang pagsuporta sa kanilang tambalan.

Kamakailan ay pinakilig nina Alexa at KD ang kanilang mga fans matapos nilang pagbigyan ang request ng mga ito. Isang Jowa Challenge ang kanilang ginawa sa video na binahagi ni Alexa sa kanyang YouTube channel. Naging maalaga si KD kay Alexa dahil hindi umano maganda ang kanyang pakiramdam at siya mismo ang bumili ng gamot para sa kapareha. Matatandaang unang nabuo ang tambalang KDLex matapos nilang lumabas sa Pinoy Big Brother bilang mga celebrity housemates.

Read also

Bianca Gonzalez, may inamin sa PBB Hosting: “I felt the most massive pressure this season”

Source: KAMI.com.gh