It's Your Lucky Day, pansamantalang papalit sa It's Showtime

- Naglabas ng pahayag ang ABS-CBN kaugnay sa magiging pansamantalang kapalit ng "It's Showtime" ngayong Sabado

- Ito ay sa pagsisimula ng ipinataw na 12-day suspension ng MTRCB sa naturang noontime show

- Ang game show na It's Your Lucky Day na kinabibilangan nina Luis Manzano, Melai Cantiveros, Robi Domingo, Jennica Garcia, Francine Diaz, Andrea Brillantes, Kyle Echarri, Seth Fedelin at iba pa ang papalit pansamantala

- Magsisimula itong mapanuod sa Kapamilya Channel, A2Z at GTV simula October 14 hanggang October 27, 2023

Inanunsiyo ng ABS-CBN ang show na pansamantalang papalit sa It's Showtime habang nasa 12-day suspension ito. Ang game show na It's Your Lucky Day ay magsisimulang mapanuod ngayong October 14 sa Kapamilya Channel, A2Z at GTV.

Read also

KC Concepcion sa reunion concert ng mga magulang: "I wouldn’t miss this for the world"

Kabilang sa mga magiging kabahagi ng naturang game show ay sina Luis Manzano, Melai Cantiveros, Robi Domingo, Jennica Garcia, Francine Diaz, Andrea Brillantes, Kyle Echarri, Seth Fedelin at marami pang iba.

Magtatagal ang 12-day suspension ng It's Showtime hanggang October 27, 2023.

Ang It's Showtime ay isang noontime show ng ABS-CBN. Sinimulan itong ipalabas noong 24 Oktubre 2009. Sa kasalukuyan, napapanood din ito sa buong mundo sa pamamagitan ng The Filipino Channel at iba pang platforms kagaya ng A2Z at YouTube. Ang programang ito ay ang pinakamatagal variety show ng ABS-CBN.

Naibahagi din ni Vice Ganda na mismong siya ang nag-request sa ABS-CBN executive na si Cory Vidanes kung pwede daw ba siyang mag-guest sa isang show sa GMA-7. Hindi niya binanggit kung anong show ang tinutukoy niya pero aniya ay gusto talaga niya mag-guest doon kung mabibigyan ng pagkakataon. Aniya, marami din ang nagtatanong at nag-aabang kung makapag-guest daw ba kaya siya sa show na iyon. Ayon naman daw kay Tita Cory ay sasabihin niya sa mga boss at baka magawan ng paraan.

Read also

Vice Ganda, pinapayuhan ng ilan na hiwalayan na umano si Ion ayon kay Cristy Fermin

Ayon kay MTRCB Chair Lala Sotto, ilang beses na silang nagbigay ng warning sa 'It's Showtime'. Kaugnay umano ito sa mga nagagawang violation ng noontime show. Sa panayam sa kanya ni Cristy Fermin, nabanggit niyang hindi na raw nila pwedeng palampasin ang violation. Pinaliwanag niya rin ang proseso bago sila nagbaba ng desisyon na ipatawag ang producers ng It's Showtime.

Source: KAMI.com.gh