Sarina Hilario, kinaaliwan sa kanyang cucumber mukbang

- Ibinida ni Sarina Hilario sa isang bagong video ang aniya'y bago niyang paborito

- Ito ang pipino o cucumber na kanyang pinapapak habang nagsasalita para sa kanyang mga audience

- Sa isang bahagi ng video ay binigyan pa siya ng fries ngunit inayawan niya ito

- Humingi pa ito uli nang maubos niya ang isang mangkok ng pipino

Kinaaliwang muli si Sarina Hilario sa kanyang bagong TikTok video kung saan ibinida niya ang kanyang bagong paboritong pagkain. Inayawan pa nito ang fries at humingi ng pipino nang maubos niya ang isang mangkok nito.

Marami ang natuwa kay Sarina dahil bukod sa magana itong kumain ay gustong-gusto nitong pumapak ng mga prutas at gulay.

Isang netizen ang nagtanong kung may asin o asukal daw ba ang pipino. Hindi raw nilalagyan ng asin o asukal ang mga pagkain ni Sari.

Read also

Ogie D, sinubukang hingan ng pahayag si Trina ukol sa visitation rights ni Carlo sa anak

Narito ang ilang komento ng netizens:

Talaga ayaw nya ng fries cucumber lang daw. Very Sari!

Ang cute pinagpalit niya fries for cucumber not all children will eat fruit or vegetable

Galing nmn kumakain cya ng cucumber samantalang ako d kumakain nyan.

Si Jhong Hilario ay unang nakilala bilang miyembro ng grupong Streetboys kasama si Vhong Navarro na kasalukuyan niya ring kasama sa noontime show na It's Showtime.

Matatandaang ibinida ni Jhong ang video nila ng anak niyang si Sarina sa kanyang Instagram post. Makikita ang mag-ama na nakaupo sa tapat ng isang piano habang nagpipindot si Sari habang kumakanta. Sa caption ng naturang post ni Jhong ay sinabi niyang "Tong Tong Tong" at "Do Re Mi" mashup ang kinanta ng anak. Marami ang naaliw at natuwa sa pagiging biba ng anak ni Jhong na tinatawag niya ding Sample Princess hango sa bansag sa kanya bilang Sample King.

Read also

Andrei Trazona, ibinida ang kanyang tribute performance para sa grupong kinabilangan ng ina

Kinaaliwan ang post ni Jhong na video kung saan makikita ang pagkanta ng anak niyang si Sarina. Habang nakahiga ay pinakanta ni Jhong ang anak ng awiting "Moon River" at agad namang itong sumunod. Malimit na magbahagi si Jhong ng video ng kanyang anak na talaga namang kinaaliwan ng netizens dahil sa pagiging biba nito. Kamakailan lang ay nagdiwang ng kanyang unang kaarawan ang anak ni Jhong at ng partner niyang si Maia Leviste Azores.

Source: KAMI.com.gh