Mona Alawi, na-prank muna ni Ivana bago ibigay ang dream car nito bilang birthday gift

- Pinakaba muna nang husto ni Ivana Alawi ang kapatid na si Mona bago ibigay ang bonggang birthday gift

- Na-prank niya muna ito sa pag-aakalang nakabangga ang driver ng sinasakyan nila

- Hindi alam ni Mona na ang inakala niyang nabanggang sasakyan ay ang regalo ng kanyang ate Ivana

- Talagang naiyak si Mona matapos ang prank at halos hindi makapaniwalang sa kanya na ang bagong sasakyan

Napaniwala talaga nang husto si Mona Alawi sa prank na ginawa sa kanya ng kanyang ate Ivana.

Bago kasi ibigay ni Ivana ang brand new car na birthday gift niya kay Mona, naisipan niyang pakabahin muna ito.

Kwento ni Ivana, balik eskwela na si Mona at madalas silang naghihiraman ng sasakyan.

Subalit madalas na rin ngayon sa taping si Ivana, kaya naman naisip niyang ito ang tamang panahon na bilhan at ibigay kay Mona ang dream car nito.

Read also

100 mangangalakal, nasungkit ang jackpot prize na P2 milyon sa 'Everybody, Sing'

Inakala talaga ni Mona na totoong nakabangga ang driver ng sinasakyan nila, ngunit ang hindi niya alam, kasabwat nito ang nagkunwaring driver ng nabanggang sasakyan.

Ang hindi alam ni Mona, sarili na niyang sasakyan ang kunwaring nabangga na ito.

Naiyak talaga si Mona sa takot umano lalo na at tila parang totoo ang acting ng driver na nanghihingi ng pambayad kunwari sa gasgas ng sasakyan.

Gayunpaman, labis ang kasiyahan ng pamilya Alawi nang makita na ang dati nilang baby, nagmamaneho na ngayon ng sarili niyang sasakyan.

Si Ivana Alawi ay unang nakilala nang sumali siya sa reality show na "StarStruck" sa GMA-7. Dahil sa kanyang taglay na ganda, sumikat siya sa social media pati na rin sa mundo ng vlogging. Sa kasalukuyan, umabot na sa mahigit 16.6 million ang kanyang mga YouTube subscribers.

Read also

Kris Bernal, pinakita sa unang pagkakataon ang mukha ng anak nila ni Perry Choi

Marami ang naaaliw sa vlog ni Ivana sa kanyang channel dahil sa kulitan nila ng kanyang pamilya. Makikita rin kasi dito ang kabutihan ng puso ni Ivana na hindi lang siya sa kanyang pamilya matulungin kundi lalo na sa mga kababayan nating kapos-palad.

Kamakailan lang, na-prank din ni Ivana si Mona bago niya ito bigyan bonggang surpresa. Daan-daang libong piso ang na-charge sa card ni Mona na sinundan pa ng singsing na pumalo rin sa mahigit Php200,000. Binigyan din siya ni Ivana ng dream luxury travelling bag nito at ang singsing pala na napili niya sa challenge ay ibinigay din niya kay Mona.

Source: KAMI.com.gh